Read MUKANDA WANZAMBI Lisamu 41 Bible Online

Lisamu 41 - MUKANDA WANZAMBI bible

Lisamu 41

¹Damukulumpi zvania kwakwimba. Isamu daDavidi. Wayitopojokaŋa atuzweŋi nakooleki: Yehova wakamupulwisha mwifuku datama.

²Yehova wakamuhemba, wakamuhemba wamumi, wakakooleka munumwituŋa; hiwakayiŋi ayilumbu jindi kumukopa mwakeŋa nyichimayawuku.

³Chakakamujokayi hakadidi nakuzeya Yehova wakamukwashaku; chakukatayi eyi wamuloŋae shelaŋi kadidi kindi kejima.

⁴Ami nelili nami, Eyi Yehova ntiyili luwi; puki, muŋa nakuvulumuni.

⁵Ayilumbu jami anhoshaŋa chatama kumbadi, nawu, Ifukwinyi dakafwayikulonda ijina dindi dijiyi?

⁶Hela wukwinza nakuntala hakuhosha yamukunkulwayi; muchima windi wadi kudwilaŋi kuluwa, chakuyayi kwacheŋi hakuchishimuna.

⁷Antu ejima anhela hiyakunshawuta tushawushawu nakuntenami; hiyakutoŋojoka kuŋila chatama.

⁸Nawu, musoŋu watama wunamulamati dehi; nawu, ichi chanakamiyi ichi hakuhindukamu nawa cheŋuku.

⁹Mwalala, ibwambu damami aweni nadikata nindi, inakuhwelela, yowu wadiilaŋa yakudya yami; nannyamwini dehi katutu kindi.

¹⁰Ilaŋa eyi kweyi, eyi Yehova, ntiyili luwi, wunhindwishi, kulonda niyibabeshi.

¹¹Mwenimu dimu nelukili nami eyi wantiya kuwaha nanochu chanakaŋinyiyi chilumbu chami kwimika mushindu nanami.

¹²Hakwila ami wankwataŋa chachiwahi nanichi chinashinshika, wanshilakumesu eyi chahaya nyaka.

¹³Kisu kisu Yehova, Nzambi yaIsarela, kufumisha kunyaka yejima, i nakutwala kunyaka yahaya nyaka. Amena, niAmena.