Read MUKANDA WANZAMBI Lisamu 44 Bible Online

Lisamu 44 - MUKANDA WANZAMBI bible

Lisamu 44

¹Damukulumpi viawakwakwimba. Dawanyana kaKora. Dakuleja nachu. Tunatiyi namatu etu, eyi Nzambi, atata jetu anatuleji, mudimu wakoŋeli eyi hamafuku adiŋuwu, hamafuku akunyaka.

²Chiwatemwinumu nyuza nachikasa cheyeyi, wayiti imbilumu wena; wayimwesheli antu yihuŋu, wayimwaŋili mwa-mwa.

³Ituŋa hiyaditambwili nampoku jatubali jawu awenawuku, hela chikasachawu awenawu hidichi chayihandishiluku; ilaŋahichikasa cheyichachidiilu, chikasa cheyeyi, nachejeji chakumesu eyi, muloŋa wayitiyilikuwaha.

⁴Eyi Nzambi, yeyi Mwanta wami walukanu; tumaku wumupulwishi Yakoba.

⁵Naneyi tukuyihuma akwankunyi netu; nejina deyi tukuyidatola ana akutunyamukila.

⁶Muloŋa ami hinukukuhwelela wuta wamuku, hela mpoku yami yakabali hidiyi yikuŋamwinaku.

⁷Ilaŋa eyi wunatwamwini kudi akwankunyi netu, wunayitiyishi nsonyi anaatuhelaŋa.

⁸Etu twadiŋi nakudisamba naNzambi yetu mwaana wejima, tukusakilila ijina deyi haya nyaka. Sela.

⁹Ilaŋa eyi wunatúumbi dehi, wunatutiyishi dehi nsonyi; hiwayaŋa nawacheŋi hamu nanjita jetuku.

¹⁰Wunatufuntishi hanyima hadi akwankunyi netu; ana atuhelaŋa hiyakutubuwakwawu.

¹¹Wunatuhani dehi neyi nyikoku yakudya hohu; wunatupalaŋeshi dehi mwaya nyuza.

¹²Antu eyi wunayilandishi chakadi nindandu, kundandu yanafuwu hiwunahetelikwoku.

¹³Hiwukutusawisha kudi akwetu twatuŋi nawu mwamwihi, hiyakutusekeshana kutuseha kudi antu ejima kwejima.

¹⁴Hiyakututena nakutudiwula hohu munyuza, antu ejima hiyakule mbolananyitu yawu.

¹⁵Mwaana wejima namoni kubaya hohu, nadibuti wi-i kumesu

¹⁶Nansonyi yanodu dizu damuntu wukuntobela nakunhosha chatama; yanowu chilumbu chami mukwakuditenda.

¹⁷Hela yumiyi yejima yinatuwani, hitunakuvulamenuku, muwatiyaŋeni hitunadimbani mwoku.

¹⁸Muchima wetu hiwunafunti cheŋi munyimaku, hela nyendu yetu kusenuka munjila yeyi hiyinasenukuku.

¹⁹Kutoŋ eyi wunatuchiki puchi mwekalawu anyumbu, wunatubuti nawulelu wakufwa.

²⁰Neyi tunavulameni ijina daNzambi yetu, hela neyi tunololi makasanakumulomba mukishi;

²¹Komana Nzambi akajinyi kuchishinshika? Muloŋa yena weluka yumayajindawu antu munyichima.

²²Mwalala, hansaŋu yeyeyi twajahewaŋi mwaana wonsu, anatufwikŋi neyinyikoku yiteji kujahewa.

²³Hindukaku, wukukaminadi tulu, eyi Mwanta? Nyamukaku, bayi wutúumba chahaya nyakaku.

²⁴Waswekelaŋdi mesu eyi, nakuvulamena ikabisha detu niyihupu yetu?

²⁵Muchima wetu wavumbama dehi mulunkuŋu; niivumu dalamata dehi heseki mbe.

²⁶Nyamukaku, wutukwashuku, wutukúuli naluwi lweyi.