Read MUKANDA WANZAMBI Lisamu 46 Bible Online

Lisamu 46 - MUKANDA WANZAMBI bible

Lisamu 46

¹Damukulumpi wawakwakwimba. Dawanyaji akaKora. Dakwimbila muAlamoti. Hikamina. Nzambi diyi chiswamu chetu, diyi ŋovu yetu, diyi watukwashaŋi kumuyuma yakala, wudi mwamwihi, hakala kumuwanaku.

²Dichi chitukubulila kutiya woma hela maseki akubalumuka, hela mapidi akuyikankisha mukachi kakaluŋalwiji,

³Hela meji adumu akuvuma nakubwakata, hela mapidi akunyika nampwejiyawu. Sela.

⁴Kwekala kaloŋa kwafumaŋi tupila twatiyishaŋ mukala waNzambi kuwaha. Dimu mwajila mumatabanaka aMukwakubadika Kwiwulu.

⁵Mukala wuna Nzambi wudi mukachi kawu; hiwakamwaŋalaku; Nzambi wakawu kwashaku, hankunku yakucha haheni.

⁶Nyuza yaleteli ndombu, mawanta jiyikuma nikuyikuma; izu dindi dahosheli, iseki dinowa nikunowa.

⁷Yehova wamazaza tudi nindi; Nzambi yaYakoba diyi kaposhi ketukakalehi kakutemukila. Sela.

⁸Inzenu mutali nyidimu yakoŋaŋayi Yehova; o mahembi anavulishiyi hanu hamaseki.

⁹Diyi wakumishaŋa majita mwakumina iseki dejima; diyi wakotolaŋaa wuta wamukunji, wakotolaŋaa iyoŋa hakachi kotu; wochaŋi nimakálu anjita mukesi.

¹⁰Diwunjikenu muŋiluki nenu ami yami Nzambi; ami akuntúumbakesha mukachi kanyuza, akuntúumbakesha hamaseki.

¹¹Yehova wamazaza tudi nindi; Nzambi yaYakoba diyi kaposhi ketukakalehi kakutemukila. Sela.