Read MUKANDA WANZAMBI Lisamu 48 Bible Online

Lisamu 48 - MUKANDA WANZAMBI bible

Lisamu 48

¹Kamina. Isamu dawanyana kaKora. Yehova himuneni, nateli kumuhameka nankashi, mumukala waNzambi yetu mumpidi yindi yajila.

²O hadiyi o kuwaha hadi nifwi-i! Antu ejima ahamaseki ayitiyaŋi kumuchima to-o, diyi mpidi yaZiyona, kumutamba wakukabetakakuchimunswa, wowu mukala waMwanta muneni.

³Nzambi nadi mwekeshi dehi mumatala awanta ekalamu, komana hikaposhikakalehi kakutemukila.

⁴Mwalala, hela anyanta apompeli, apandakeni hamu kwenoku.

⁵Awumweni, azaazili; atiyili woma, atemukili.

⁶Kuzaala kwayikwatili, ninyisoŋu yidi neyi yamumbanda wukukeŋi kuvwala.

⁷Eyi hiwukubalula maatu akuTarashishi nampepela yakumusela.

⁸Mwomu tunatiyi, dimu tunamoni mumukala waYehova wamazaza, mumukala waNzambi yetu; Nzambi wakawukolesha haya nyaka. Sela.

⁹Tunatopojoki luwi lweyi, eyi Nzambi, mukachi katembeli yeyi.

¹⁰Mwashika ijina deyi, eyi Nzambi, dimu mwashika nikushimeka kwakushimekaŋawukwejima kwakumina iseki; chikasa cheyi chachidiilu chenzala kuloŋi to-o.

¹¹Mpidi yaZiyona yizaŋalali, anyana kaYuda awambanda atiyi kuwahanawuŋaji weyi.

¹²Hitenu kuZiyona kunsa kunsa, nyeŋumukenuku, muchindi tuposhitwindi.

¹³Shinshikenu chachiwahi mpwembu jindi, talenu matalindi awanta; kulonda mwakayishimwinaŋamu anyana amba kavwalika.

¹⁴Muloŋa yeniwu Nzambi diyi Nzambi yetu haya nyaka nanyaka; wukwikalanlomboli yetu ndo nikukufwa.