Read MUKANDA WANZAMBI Lisamu 5 Bible Online

Lisamu 5 - MUKANDA WANZAMBI bible

Lisamu 5

¹Damukulumpi wawakwakwimba. Damumpùŋa. Isamu daDavidi. Tiyaku mazu ami, eyi Yehova, shinshikaku munukutoŋshana.

²Tiyililaku kwizu dami dinukubilela, eyi Mwanta wami, eyi Nzambi yami; muloŋa nidi nakulomba kudeyi.

³Eyi Yehova, wukutiya izu dami nantetemena, nantetemena nukubalu mukakudeyi nakubawilaku matu.

⁴Muloŋa eyi wuNzambi wabulaŋa kutiya kutama kuwaha. Kutama hiwakashakama nakuku. Asupa hiyakemana kumesu eyuku; eyi wahelaŋa ejima akoŋi kuluwa.

⁵Eyi wakajilumuna ahoshaŋi yakutwamba; Yehova watiyaŋa muntu wawubanji wadimbanaŋa kumuchima bwi.

⁶Hakwinza ami kwami, nukwijila mwitala deyi nanochu chilwasweja kuvula luwi lweyi.

⁷Nawoma wunukukutiya eyi nukudifukula kudeyi nakutalisha mesu ami kwokutembeli yeyi yajila.

⁸Eyi Yehova nlomboli mwaya kuloŋa kweyi, muloŋa kwakumbatamina adi kwoku. Nlumbulwili njila yeyi kumesu ami.

⁹Muloŋa mukanwa kawu himwekala kashinshuku. Munyichima yawumumavumu awu mwaluwa chacheni; nyidiwu yawu hiŋamu dachashi; adimbekaŋa akwawu namadimi awu.

¹⁰Yitanyishi, eyi Nzambi; yileki adimbukili mwomukutiyaŋga kwawukwatiyanenuwu awenawu; yihaŋi kweyi nanoyu nyiloŋa yawu yinavuli, muloŋa nadikaŋi naneyi.

¹¹Hakwinza ejima akubatama mudeyi azaŋalali, adikuwi kwawu namuzaŋilu mafuku ejima nanochu chiwayihembaŋa. Niwena akeŋa ijina deyi aluŋi mudeyi.

¹²Muloŋa eyi wakamukoolekesha muntu waloŋa; eyi Yehova, wakamunyeŋu mwishakwi-ndo nawuselewa weyi neyi chaku munyeŋu mwishanankebu hohu.