Read MUKANDA WANZAMBI Lisamu 50 Bible Online

Lisamu 50 - MUKANDA WANZAMBI bible

Lisamu 50

¹Isamu daAsafwi. Nzambi Chinaweji, diyi Yehova, nahoshi, natambiki iseki kufumisha kwaselelaŋi itaŋwa ndo nikudaholokelaŋa.

²Omu muZiyona, mwawaha chikupu nalubanji, Nzambi natoŋekumu.

³Nzambi yetu wakenza, hakamwena zoŋuku, kesi kakanopesha kwakuyayi, kwadiyi kwakakunka mpepela yasweja ŋovu kwi-ndo.

⁴Mwiwulu mwadiyi wakatambika iwulu, niiseki kulonda asompeshi antu indi.

⁵Mpompeshelenu antu ami ajila, ana anakwati chitiyaŋenu nanami hakuketula chimuna.

⁶Mawulu akashimuna kuloŋa kwindi; Nzambi yemwenindi diyi mukwakusompesha. Sela.

⁷Tiyenu, enu antu ami, ami nukuhosha, eyi Isarela, nukukushi mwinawunsahu; ami yami Nzambi, yami Nzambi yeyi.

⁸Hinukukuhoshola nansaŋu yayimuna yeyi yiwaketulaŋku, hela nanyilambuyakushita yiwantulilaŋa kumesu ami hefuku hefukuku.

⁹Hinukutambula ŋombi weyala hamukala weyuku, hela yizamba yampembi mumayindeyuku.

¹⁰Muloŋa nyama ejima amwisaŋa amami hohu, niŋombi jaha mapidi amakombakaji namakombakaji.

¹¹Atujila ejima ahamapidi nayiluki; nianyama amumpata amami.

¹²Neyi nadiŋi nanzala hinadi kukulejamu eyuku; muloŋa mpata yejima yamunu mwishina yamami, niyuma yalumbamamu.

¹³Nukudya mbiji yawaŋombi amayala, nukunwa mashi awampembi?

¹⁴Chimuna chiwukumuketwila Nzambi yowu kusakilila; mufuti Mukwakubadi akaKwiwulu yuma yiwadishiililumu.

¹⁵Kantambiki mwifuku dakumona kukala, nakakuhandisha, wakanlemeshi.

¹⁶Ilaŋa muntu watama Nzambi namwili nindi, Eyi wushimuni nshimbijimi? Wuteni chitiyaŋenu chami mukanwa keyi?

¹⁷Yeyi walekaŋa kukufumba, wanataŋa mazu ami kunyima yeyi.

¹⁸Chiwukumona ikombi hiwukutiyaŋga nindi, wadibombeli nawayivumbi.

¹⁹Watwalaŋa kanwa keyi kuyuma yatama, niidimi deyi desekejaŋi yumayakutwamba.

²⁰Wáshaakamaŋa nakunamutuŋiula mana kweyi, watembaŋi ni mwana kamamayeyi wakusemuka nindi ivumu dimu.

²¹Eyi wuneli yumiyi, ami kwami namweni zo; eyi watoŋojokeli neyi ami nekala chochiwekala eyi aweni. Nukukuhoshola nakukuhitulwila muyuma yejima hachuma hachuma kumesu eyi.

²²Ichi dinu shinshikenumu chachiwahi enu mwamuvulamena ŋiNzambi, nakenza kayisansola kwami, sansu sansu, niwakuyipulwisha kwosi.

²³Yenowu muntu wukunketwila chimuna yowu kunsakilila diyi wanlemeshaŋi. Niyenowu wadololaŋi chachiwahi mwakuyayi, nukumi mwekeshela wamwinu waNzambi.