Read MUKANDA WANZAMBI Lisamu 51 Bible Online

Lisamu 51 - MUKANDA WANZAMBI bible

Lisamu 51

¹Damukulumpi wawakwakwimba. Isamu daDavidi. Hayiliyi kaprofwetu Natani kudi yena hakaminiyi naBatesheba. Aŋanakenuhu, eyi Nzambi, mwomweseka luwi lweyi; jimakunyiloŋa yami mwomweseka wushona weyi wawuvulu.

²Nwʼeleshi chachiwahi nitooki chikupu munaluwi, ntookeshi nshidi yami.

³Muloŋa ami neluki nyiloŋa yami, ninshidi yami yidi kunukutala mesuami mwaana wejima.

⁴Yeyi, yeyi hohu inavulumuni, neli chatama kumesu eyi, chiwukuhosha akumoni nawu waloŋa, chiwukusompesha wubuli muloŋa hakusompesha.

⁵Mwalala ami anvweli mukuluwa, mama yami waŋimitili munshidi.

⁶Mwalala, eyi wakeŋa a mumuchima mwivumu mwikali nsaŋu yalala, wuŋilukishi maana mukachi mwakujinda.

⁷Ntookeshi nanamutuntamu nibuli majilu; mveleshi nitooki to-o, nimpezahanyima.

⁸Wuntiyishi nsaŋu jakutiya kuwaha nakuzaŋalala, kulonda mafwaha wunakotoli atiyi kuwaha.

⁹Jikaku kumesu eyi, bayi wutalaŋi nshidi jamuku, jimaku puchi munaluwi mwejima.

¹⁰Nleŋelumu muchima wutooka, eyi Nzambi; mbalumwini spiritu yayihayakashinshi mukachi kami;

¹¹Bayi wuŋumbila kwakulehi nanoku kuwekalaku; bayi wuntambula spirituweyi wajilaku.

¹²Nfuntishili muzapalu wawamwinu weyi; wunkoleshi naspiritu yakwovwahila.

¹³Dichi akwakumotoka nshimbi nukuyileja njila jeyi; niakwanshidiakabalumuka nakwinza kudeyi.

¹⁴Mpulwishi kunyiloŋa yamashi, eyi Nzambi, yeyi Nzambi yawamwinuwami; idimi dami dikwimbili chakola kamina kakutena kuloŋa kweyi.

¹⁵Eyi Mwanta, jikula nyivumbu yami; kanwa kami katiyakeshi mazuakukushimeka.

¹⁶Muloŋa eyi hiwatiyaŋa kuwaha nachimunaku, mutenowu nadi kukwinka; hiwashapa muchima hahimulambu wakushitaku.

¹⁷Yimuna yanakeŋiyi Nzambi kumuketwila yoyu spiritu yachikeka puchi. Muchima wachikeka dehi puchi wadishona hiwukuwusekeshaku, eyiNzambi.

¹⁸Kamwili Ziyona chachiwahi namuchima weyi wawuwahi; tuŋikumpwembu jaYerusalema.

¹⁹Wakatiya kuwaha nayimuna yakukuketwila, yowu kuloŋi, nanyilambuyakushita mukesi, nayimuna yakushita yamukuma. Akaketola niaŋombi amayala hakameŋa keyi.