Read MUKANDA WANZAMBI Lisamu 57 Bible Online

Lisamu 57 - MUKANDA WANZAMBI bible

Lisamu 57

¹Damukulumpi wawakwakwimba. Dakwimbila muAla-tasha-heti. Isamu daDavidi. Mikitami. Hamutemukiliyi Sawulu mwiyeŋu. Ntiyili luwi, eyi Nzambi, ntiyili luwi; muchima wami hiwukweyama mudeyi; mwalala, nukubatama muwulelu wamumpuula jeyi, yina yatama yihiti.

²Nukumutambika Nzambi Mukwakubadika Kwiwulu, diyi Nzambi waŋililaŋa yuma yejima.

³Chakuhoshayi chatama yenowu wakeŋa a kunminya, mwiwulu mwadiyiwukutemesha nakupamwina. Sela.

⁴Nzambi wakatemesha luwilwindi ninsaŋu yindi yalala. Nidi mukachi kanyituŋa, nakami mukachi kanana abutuka dehi kesi, wowu anyana kawantu akweti maji adi neyi mayoŋa nansewu, madimiawu adi neyi mpoku yakabali yatwa.

⁵Akutúumbakeshi, eyi Nzambi, chakubadika mawulu; kulema kweyikubadiki hanu heseki hejima.

⁶Antila dehi wanda wakufwa nyendu yami, muchima wami wunazembami; anampundili ibuku, anakulukilumu awenawu. Sela.

⁷Nadikolesha dehi mumuchima wami mbe, eyi Nzambi, nadikolesha dehi mumuchima wami mbe; nukwimba tumina, mwalala nukukusepa.

⁸Hindukaku namutulu, eyi kulema kwami; hindukenu enu ayisanji nakadada; ninami aweni nukuhinduka budidi yayeni.

⁹Nukukusakilila, eyi Mwanta, hakachi kawantu; nukukuŋa mukachikanyuza yawantu;

¹⁰Muloŋa luwi lweyi lweneni lwashika nimwiwulu, ninsaŋu yeyi yaialayashika kumavu.

¹¹Akulemeshi, eyi Nzambi, chakubadika mawulu; ni kulema kweyi kubadikiheseki dejima.