Read MUKANDA WANZAMBI Lisamu 59 Bible Online

Lisamu 59 - MUKANDA WANZAMBI bible

Lisamu 59

¹Damukulumpi wawakwakwimba. Dakwimbila muAla-tasha-heti. Isamu daDavidi. Mikitami. Hatemesheliyi Sawulu antu, abatamini nikwitala dindi, nawu amujahi. Mpulwishi kudi ayilumbu jami, eyi Nzambi yami; ŋushi hewuluwunsweki kuchina akunnyamukila.

²Mpulwishi kudi akopapa yakuluwa, ŋamwini kudi akwawubanji.

³Tala ntahi, hiyakumbatamina; ayilobu hiyakumpompela, chakadinimuloŋa wuneli, chakadi ninshidi yinavulumuni, eyi Yehova.

⁴Hiyakuya lufuchi nakudiloŋesha chakadi nimunaluwi. Hinduka kuwunki nkililuku, wuntali.

⁵Eyi aweni, yeyi Yehova Nzambi wamazaza, Nzambi yaIsarela, nyamukakuwuyi nakuyitala antu amunyuza yejima; bayi wuyila luwi akwamakudi atamaku. Sela.

⁶Hiyakufunta hamelela, hiyakubola neyi kawa, hiyakukimboka mumukala.

⁷Mukanwa akuminaŋa dakuwulumuna mazu atama, munyivumbu yawumudi mpoku jatubali, nawu, Ochu wukuchitiya hinyi?

⁸Ilaŋa eyi Yehova wakayiseha kweyi; wakadiwula nyuza yejima nakuyisehahohu.

⁹Yeyi Ŋovu yami nukutala mesu ami kudeyi; muŋa Nzambi diyi kaposhikami kakale hikakutemukila.

¹⁰Nzambi yami wantiyilaŋa aluwi wakantwamininaku kumbidi. Nzambi wakapini kumona namesu munadiŋi nakutoŋwela ayilumbu jami.

¹¹Bayi wuyijihaku, antu ami akenza kavulamenaku; chiŋi wuyimwaŋa mwa-mwa naŋovu yeyi, wuyidimbwishi niheseki, yeyi Mwanta, yeyi nkebu yetu.

¹²Nanshidi yamukanwa kawu, namazu akunyivumbu yawu, ayikwatichadinkawu wanta, chahoshaŋawu niyakushiŋga niyakutwamba.

¹³Yinoŋeshi nakuzuwa, yinopeshi, amanizo, kulonda eluki nawu Nzambidiyi wayulaŋa muYakoba, ndo nikwakumina maseki. Sela.

¹⁴Yileki afunti kwawu hamelela, aboli neyi kawa, akimboki mumukala.

¹⁵Ahiti nakutambatamba nakukeŋakeŋa ayakudya, akonkami wufuku to-onákubula kwikuta.

¹⁶Ilaŋau ami kwami nukwimba kamina kakuseŋa Ŋovu yeyi, chalala habudidinukwimba chakola kamina kakutena luwi lweyi; muloŋa eyi yeyi wunekali kaposhi kami kakale hikakutemukila, wuchiswamu chamwifuku dakumona kukala.

¹⁷Yeyi Ŋovu yami nukukuseŋa; muloŋa Nzambi diyi kaposhi kami kakale hikakutemukila, diyi Nzambi yami wantiyilaŋa luwi.