Read MUKANDA WANZAMBI Lisamu 62 Bible Online

Lisamu 62 - MUKANDA WANZAMBI bible

Lisamu 62

¹Damukulumpi wawakwakwimba. Mwomwembilaŋayi Yedutuni. Isamu daDavidi. Muchima wami wunadiwunjikili kudi Nzambi zo-o; kudi yena kwo kwenzaŋi kuŋmwina.

²Uola dami diyi hohu kanka windi, diyi wamwinu wami, diyi kaposhikami kakale hikakutemukila; hiyakanzeyesha chalalaku.

³Aka! Mukumulo tokelaŋi tuhu mwinenu, kulonda mumujahi wejima wenu, tahindi? Akayijiha neyi chikwambaŋu yetala yikukeŋi kuholokela muntu, neyi ikoli dikuya nakuzondoka.

⁴Wena atiyaijinaŋi hamu amufumishi mwindi mwalema; atiyaŋa kuwa hana kutwambatwamba; akiswilaŋa nkisu nakanwa, kwinza munyi chimayawu mudi kwakushiŋga hohu. Sela.

⁵Eyi muchima wami, kadiwunjikili kudi Nzambi zo-o; nati muchimawami hadi yena, namuchiŋe jaŋi.

⁶Ilola dami diyi hohu kanka windi, diyi wamwinu wami, diyi kaposhi kamikakalehi kakutemukila, hiyakanzeyesha nihantuku.

⁷Niwamwinu wami ni kulema kwami kudi kudi Nzambi; niilola dami dinu kumwena Ŋovu, nichiswamu chami, chiŋa kwokudi Nzambi.

⁸Mukuhwelelenu hampinji jejima, enu nyichidi yawantu; ichilenu nyichimayenu kumesu indi; Nzambi diyi chiswamu chetu chakubatamina. Sela.

⁹Mwalala antu akadi kulema amukunkulwayi hohu, niantu alema hiyantwambihohu; kuyipezelesha kupezu hiyakulela hewulu hohu; wejimawawu apepela nankashi hela mpepela yayeni yikwikala yalema.

¹⁰Bayi mukuhwelela kukabisha akwenuku, bayi mudilumbula nakubuwaku; hela neyi maheta akuvula bayi muyisha nyichimaku.

¹¹Nzambi nahoshi dehi kamu, nikayedi ami nachitiyi, nindi, Ŋovu yekala kudi Nzambi.

¹²Nikudeyi, eyi Mwanta, kwokwekala luwi; muloŋa yeyi wafwetaŋa antu ejima mweseka nyidimu yawu.