Read MUKANDA WANZAMBI Lisamu 66 Bible Online

Lisamu 66 - MUKANDA WANZAMBI bible

Lisamu 66

¹Damukulumpi wawakwakwimba. Hikamina. Isamu. Vwakukenu nakuzaŋalala kumesu aNzambi, enu maseki ejima;

²Seŋenu ijina dindi nenu dalema; mushimekenu nakalemesha.

³Hoshenu naNzambi nenu, Nyidimu yeyi o chiyasweja, yikweti niwoma! Ayilumbu jeyi akalemba kudeyi nanochu chiwasweja Ŋovu.

⁴Iseki dejima dakadifukula kudeyi, dakakwimbila tumina, akaseŋa ijina deyi. Sela.

⁵Inzenu mumoni nyidimu yaNzambi wakutiya woma, chayilaŋayi anyanakawantu.

⁶Hakubalumuna kaluŋilwŋi kekali iseki dawuma, hiyakuzambuka kaloŋa ihamaseki; kwenoku twamutiyili kuwaha.

⁷Yena wayulaŋi haya nyaka naŋovu yindi; mesu indi atalaŋaii nyuzaya wantu; adikaŋi bayi aditoheshaku. Sela.

⁸Mukiswilenu Nzambi yetu nidisu, enu antu amumatuŋi, izu dakumu shime kadi tiya kani.

⁹Diyi watukwatilaŋa wumi wetu mwaka wuhandaŋi, hetijaŋa nyendu yetu kuyiswijaku.

¹⁰Muloŋa eyi Nzambi, wunatweseki kweyi; wunatuzakasi neyi chazakasaŋawusiliva.

¹¹Wunatwiŋiji muwanda wunatuwu; wunatushili chiteli cheneni hankumajetu.

¹²Wunayendeshi amayala namatembawu hanyitu yetu; twahitili nimukesini mumeji; ilaŋa eyi watufumishilumu watushili hahawahi.

¹³Nukwinza mwitala deyi nanyilambu yakushita; nukukufuta yuma yinadishiililumu,

¹⁴Yina yateneni nyivumbu yami, yinahosheli mukanwa kami hina mwenikukala.

¹⁵Nukukulambula nyilambu yakushita yayimuna yanuna, nilupwembulwayi zamba yanyikoku lwaluwahi; nukulambula niaŋombi, niampembihamu. Sela.

¹⁶Enu ejima mwa-mwakama Nzambi, inzenu mutiyi, nukushimuna mwanaŋiliyi.

¹⁷Namutambiki nakanwa kami, namutuumbakeshi nedimi dami.

¹⁸Neyi nukubanjila kuluwa mumuchima wami, Mwanta hakutiyaku.

¹⁹Ilaŋa chalala Nzambi natiyi dehi, natiyilili izu dami chinalomba.

²⁰Kisu kisu Nzambi, hanakaŋeshi kulomba kwami kunalombaku, hanaŋamu kiluwi lwinduku.