Read MUKANDA WANZAMBI Lisamu 68 Bible Online

Lisamu 68 - MUKANDA WANZAMBI bible

Lisamu 68

¹Damukulumpi wawakizo aki zoimba. Isamu daDavidi, hikamina. Nzambi anyamuki, ayilumbu jindi amwapali mwa-mwa, ninawa amuhela amutemuki.

²Yihaŋi, neyi chalelukaŋa wishi nampepela. Antu atama ajilumuki kumesu aNzambi, neyi chasuŋunukaŋa nsela nakesi.

³Kwinza aloŋa azapalali; aluŋi kumesu aNzambi; mwalala, atiyi kuwaha, azaŋalali.

⁴Mwimbilenu Nzambi tumina, seŋenu ijina dindi; yowu wendelaŋmwikalu dindi muyana yakadi meji, mudiminenu muhaŋi wakwendela; ijina dindi diyi Ya; lubenu kumesu indi.

⁵Nzambi chashakamayi mwindi mwajila, diyi tata yawanshona, diyimu kwakuyisompela antuluwa.

⁶Antu ekala wunka Nzambi wayituŋashaŋi mukala; akasawu wayi subwi shapana kuyi shakamisha chachiwahi; kwinza adikaŋi akashakama mwituŋa dominina chau.

⁷Eyi Nzambi, yeyi watwaminini kumbidi yawantu eyi, mwaka wendelinakuhita muŋawu, Sela.

⁸Iseki dazaalili, chashikiliyi Nzambi mawulu asosota nikusosota; mwalalahashikiliyi Nzambi, diyi Nzambi yaIsarela, Sinayi azaala nikuzaala.

⁹Eyi Nzambi wanokesheli nvula yayeji, wakolesheli wuswana weyi hiwadiŋi wazeya.

¹⁰Chendu cheyi chashakaminumu; eyi Nzambi, wayiloŋesheleli atuzweŋi yeyi yayiwahi.

¹¹Mwanta wahanaŋa izu: niambanda ashimunaŋa nsaŋu hinjita yayeni.

¹²Anyanta akweti majita hiyakutemuka, hiyakutemuka; ni mumbanda washeli hamukala hakudani abena yapupiluwu kunjita.

¹³Mukami mukachi kamayinda anyikoku, neyi mpuula jakatela jakulambisha siliva, neyi mavuji indi akulambisha wuru wakunduluka, tahindi?

¹⁴Chinaweji chayimwaŋiliyi anyanta adiŋumu mwa-mwa, nichikwikala neyi kudi nakunoka nvula yachishika muZalamoni.

¹⁵Mpidi yaBashani himpidi yaNzambi, mpidi yaBashani himpidi yayilehi.

¹⁶Indi enu mpidi jajilehi mwatiyilaŋadi ichima, mpidi yanakeŋiyi Nzambi nindi ashakamuku? Mwalala Yehova wakashakamaku haya nyaka.

¹⁷Makalu aNzambi ekala makombakaji makumi ayedi, mwalala makombakaji namakombakaji; Mwanta wudi mukachi kawu, neyi chikwa muSinayi, mwajila.

¹⁸Eyi wunakandami mwiwulu, wunatwali ankoli muwukoli; wunatambuli yamukunkulu mukachi kawantu, mwalala, hela mukachi kawadikaŋi, kulonda Yehova Nzambi ashakami nawu.

¹⁹Kisu kisu Mwanta, diyi wasendaŋi chiteli chetu hefuku hefuku, diyi Nzambi nekali wamwinu wetu. Sela.

²⁰Nzambi neli Nzambi yetu, watupulwisha dehi hahavulu; Yehova Nzambidiyi wukweti jakufumisha nachu antu mukufwa.

²¹Ilaŋa Nzambi wakalokola nyitu yawayilumbu jindi, nimwishina danamutu dayena wakakelaŋa mukutanya kwindi.

²²Mwanta nindi, Nukuyifuntisha cheŋi afumi kuBashani kwayiluwu, nukuyifuntisha cheŋi mumanyuji akaluŋalwiji mwayiluwu;

²³Kulonda wiŋiji mwendu weyi mumashi, kulonda madimi awatuwa tweyi akadyuhu yawu kudi ayilumbu jeyi.

²⁴Anamoni nyikanka yeyi, eyi Nzambi, mwalala yoyu nyikanka yaNzambi yami, diyi Mwanta wami walukanu, chiyayaŋa mwajila,

²⁵Kumbidi kwatwaminini akwakwimba tumina mukanwa, akwakwimba yisanji ayilondeli munyima, yaŋdima yawambanda akumini hakachina kwimba ndimba.

²⁶Musakihlenu Nzambi muyipompelu, musakililenu Mwanta, diyi kaseloki kaIsarela.

²⁷Kudi mwanyikawu Benjamini nanyuli yawu, niatulamba amuYuda nachota chawu, niatulamba amuZebuluni, niatulamba amuNafwatali.

²⁸Nzambi yeyi nashiiki ŋovu yeyi; eyi Nzambi, koleshaku yiwunatukoŋeli.

²⁹Natembeli yeyi yidi kuYerusalema, anyanta ankanu akakuletela yamukunkulu.

³⁰Muhosholi kanyama wamumateti, mukanka wawaŋombi amayala, hamu nanyana kaŋombi awantu, nakudatola hamaseki yikunku yasiliva; nyuza yawantu atiya njita kuwaha nayimwaŋi dehi mwa-mwa.

³¹Ayilolu akafuma muEjipitu; Etiyopiya wakanyakala nakumwolwe laNzambi makasindi.

³²Mwimbilenu Nzambi tumina, enu mawanta ahanu hamaseki; museŋenu Mwanta. Sela.

³³Mwimbilenu yena wendelapa mwikalu hamawulu amumawulu, akunyaka. Tiyenu, izu dindi odu dikuhoshodu, hiizu dikweti ŋovu,

³⁴Mwitijenu Nzambi nenu wukweti ŋovu; kulema kwindi kudi hewulu daIsarela, Ŋovu yindi yidi mumawulu.

³⁵Eyi Nzambi, wudi wakutiya woma omu muyipela yeyi yajila; Nzambi yaIsarela, diyi wayinkaŋa a antu indi nikudikolesha niŋovu. Kisukisu Nzambi.