Read MUKANDA WANZAMBI Lisamu 69 Bible Online

Lisamu 69 - MUKANDA WANZAMBI bible

Lisamu 69

¹Damukulumpi wawakwakwimba. Dakwimbila muShoshanimi. DaDavidi. Ŋamwini, eyi Nzambi; muloŋa cheji chineŋili mumuchimawami.

²Hinukujimina mumalowa akunama, mwakadi hawimenu; neŋili mumeji akunama lwe, dibaji hidi kunhita hanamutu.

³Nazeyi dehi nakudila; kunyidiwu kunomi chau; nimumesu ami bwi-inakumutalila Nzambi yami.

⁴Ánhela chakadi muloŋa nasweji kuvula, hela nsuki jakunamutu wamijinakehi; ana anakeŋi kunjilumuna, wowu aneli ayilumbu jamichakuntwambila, anasweji ŋovu; hinukufuntisha nichuma chinabulili kutambula.

⁵Eyi Nzambi, eyi weluka chinasupa ninyiloŋa yinafwi nayu hiyanayijindi kudeyuku.

⁶Ana akukuchiŋeja bayi atiyila nsonyi hadamuku, eyi Mwanta, Yehova wamazaza; ana akukukeŋakeŋa bayi asawukila hadamuku, eyiNzambi yaIsarela.

⁷Muloŋa netŋi kundiwula hamujimba weyeyi; nakooli nsonyi kumesu.

⁸Kudi ana kwami neli dehi mwenyi hohu; kudi anyana kamama nabalu muki dehi neyi nimuntu wakumpata yacheŋi.

⁹Muloŋa iyena dinatiyaŋa itala deyi kumuchima dinaŋudyi; nimatuka anana akutukili ananshikenami.

¹⁰Hela nadilili nakushakama nanzala, hiya kunyinkelamu muloŋa.

¹¹Chinavweli yikeleyi, hiya kunfuukula neyi nichishimu.

¹²Ashakama muchota, mpanji yawu yakuntenami hohu: asheta walwa, yami kamina kawu kembaŋawu.

¹³Hakwila ami kwami nukulomba kudeyi, eyi Yehova, hiwudi nakutiyileyi kuwaha nakutiyilila; eyi Nzambi naluwi lweyi lwaluvulu ŋakuli nansaŋu yalala yawamwinu weyi.

¹⁴Ntupuli mumalowa, bayi ŋŋiminaku; ampulwishi nikudi ana anhelani mumeji akunama.

¹⁵Dibaji bayi dinhita hanamutuku, niinyiŋi bayi dinminyaku, niibuku bayi dinjikila mukanwa kaduku.

¹⁶Ŋakuli, eyi Yehova, muloŋa luwi lweyi lwaluwahi; balumukaku wuntalina wushona weyi wawuvulu.

¹⁷Bayi wunswekela ami kambuŋeyi mesu eyuku, muloŋa mi namonikukala; ŋakuli swayi.

¹⁸Swila kwakwihi nanami, wunkúuli; nkúuli muloŋa yilumbu jami adikwoku.

¹⁹Wuneluki nichandi wiluwu, ninsonyi yinatiyili, nikusawuka kunasawukili; akwankunyi nami ejima wunayimoni.

²⁰Muchima wami wunabaluki nakundiwula kudi antu, kumuchima wamikunalemi nankashi mbe; natalajanini nami nimoni antu akuŋanakenahu, hinayimwenuku; nami nimoni hela akwakukundeja hinayi mwenuku.

²¹Anyinkeli nimutondu walula nawu dyaku, chinatiyili mpwila anyinkeli vineŋa nawu nwaku.

²²Mesa yawu yanashaka muwu yiikali muhetu, chiya kumonawu kuna mwenizo-o, amoni muhetu.

²³Mesu awu eyila bwi, abuli kumona; yiza alishilaŋa nkuma jawu hefukuhefuku.

²⁴Yihuŋunwini ndombu yeyi, kuzuwa kweyi kwasweja kuyihapi kuyikwati.

²⁵Mukala wawu wubalumuki wikali ihembi; mumatalawu bayi mushakama antuku.

²⁶Muloŋa hiya kukabisha muntu wunababeshi eyi; hiya kutenatena mwanakatu wuantu wunatapi eyi.

²⁷Hakuluwa kwawu lunjikaku kuluwa; bayi eŋila mukuloŋa kweyuku.

²⁸Mumukanda weyi wawumi ayijimumu, bayi ayisoneka hamu nawakwakuloŋaku.

²⁹Ilaŋai ami kwami nikazweŋi namoni ihuŋu; wamwinu weyi wunswekihewulu, eyi Nzambi.

³⁰Nukuhameka ijina daNzambi nakamina, nukumutohesha nakusakilila.

³¹Chikumu tiyisha Yehova kuwaha chakubadika ŋombi, chakubadika hela ŋombi weyala wukweti ninseŋu niyikwa.

³²Ádizoza anachimoni, anazaŋalali; enu mwamukeŋakeŋaŋa Nzambi, muchima wenu wuhandi.

³³Yehova watiyaŋa ahalwa, antu indi akasawu hayisekeshaŋku.

³⁴Niiwulu nimaseki amuhameki, nituluŋilwŋi niyuma yejima yendaŋamu.

³⁵Muloŋa Nzambi wakaamwina Ziyona, wakatuŋi nyikala yaYuda; akashakamamu, wakekala wawu chikupu.

³⁶Anyana kawambu ŋindi akawuswana; akeŋa ijina dindi akashakamamu.