Read MUKANDA WANZAMBI Lisamu 7 Bible Online

Lisamu 7 - MUKANDA WANZAMBI bible

Lisamu 7

¹Shiŋayoni yaDavidi, yamwimbililiyi Yehova, nsayu yamazu aKushikaBenjamini. Eyi Yehova Nzambi yami, mudeyi dimu nabatamaŋi muchima; ŋimwini kudi antu ejima anhaŋaŋi, wumpulwishi.

²Wakanda kuntabula neyi chelaŋayi mutupa, nakunsansula sansu sansu, chikunabuli wakumpulwisha.

³Eyi Yehova Nzambi yami, neyi chumichi yami nachikoŋi; neyi mumakasamimudi kuheŋa;

⁴Neyi namukoŋi chatama ona nashakamini nindi chachiwahi mwalala, namupulwishili owu wankabishili chakadi muloŋa;

⁵Komana chilumbu chami anhaŋi ankwati; eŋawumi wami awudati hamaseki, ni kulema kwami akushi mulunkuŋu. Sela.

⁶Nyamukaku, eyi Yehova, nakuzuwa kweyi, nyamukilaku ndombu yawakwankunyi nami; ntoneni, eyi wunashiiki dehi kusompesha.

⁷Nyikanka yanyuza yikunyeŋumuki kwi-ndo; wubadiki hewulu dawu, wufunti kweyi mwiwulu.

⁸Yehova wasompeshaŋa antu. Nsompeshi, eyi Yehova, mwomwe sekela kuloŋi kwami, mwomwesekela kuwaha kwami.

⁹Akumishi, mwani, kutama kwawantu atama, hakwinza muntu waloŋamukoleshi. Muloŋa Nzambi waloŋa wesekaŋi nyichima yawantu mumavumu.

¹⁰Nkebu yami yidi kudi Nzambi, diyi wayamwinaŋa oloka mumuchima.

¹¹Nzambi himukwakusompesha waloŋa, mwalala hiNzambi watiyaŋakutama hefuku hefuku nawaluwa.

¹²Neyi muntu wukubula kubalumuka, yena wakalola mpoku yindi. Wutawindi wamukunji wawulema dehi, wawevula dehi.

¹³Wamuloŋeshela dehi yuma yakujahana nachu; hakwila nyivu yindiyoyakesi hohu.

¹⁴Talenu hakukata nyisoŋu yakuvwala avwali kuluwa, wabaabili kutama, hakuvwala kutwamba.

¹⁵Napundi wina, nadifuŋuli, naholokeli mwibuku dapundiliyi.

¹⁶Kutama kwindi kweliliyi kwakamufuntila cheŋi yomweni hanamutu windi, nimadombu indi akamuholokela yomweni hanamutu windi.

¹⁷Nukumusakilila Yehova nachina chaloŋayi: ijina daYehova Mukwakubadi kaKwiwulu nukudiseŋi.