Read MUKANDA WANZAMBI Lisamu 71 Bible Online

Lisamu 71 - MUKANDA WANZAMBI bible

Lisamu 71

¹Eyi Yehova, nabatami mudeyi: bayi nakatiya nsonyuku haya nyaka.

²Mpulwishi nanochu chiwaloŋa kweyi, wunhandishi; bandamaku wunteŋelekeliitu deyi, wuŋamwini.

³Ikalaku ilola dami dakushakama, kulonda nitemukiluku hanti hanti; wunashimuni dehi neyi akaŋamwina; muloŋa yeyi ilola dami, yeyi mpwembu yami.

⁴Mpulwishi kudi muntu watama, eyi Nzambi yami, kudi muntu waheŋwaheta wukatu.

⁵Muloŋa yeyi nachiŋeja, eyi Mwanta Nzambi; yeyi nakuhwelela kufumisha kuwansi wami.

⁶Ankwata chachiwahi kudeyi kufumisha kwivumu damama; yeyi wanfumishili mwivumu damama yami; nukukushimekaŋa hefuku hefuku.

⁷Antu amavulu anmona neyi nichuma chakuhayama hohu; chiswamuchami chakola ngu yeyi hohu.

⁸Kanwa kami kakwinzala mbe namazu akukushimeka, niakukuleme shamwa ana wejima.

⁹Bayi wuŋumba hawushinakaji wamuku; neyi Ŋovu jami jinahu bayi wunshiyaku.

¹⁰Muloŋa yilumbu jami hiyakuntuŋula; awa akumbatamina hiyakushakama hamu nakukwata mpùŋa,

¹¹Nawu, Nzambi namushiyi dehi; muhaŋenu, mukwatenu; kwosi wukumupulwishaku.

¹²Eyi Nzambi, bayi wikala kwakulehi nanamuku; eyi Nzambi yami, nyakalawunkwashuku.

¹³Akwakunyinka muloŋa tiyi nsonyi, ajili ji-i chikupu; awa akeŋa kunmweshakukala ayihosholi chatama asawuki.

¹⁴Ami kwami nukuchiŋeja hefuku hefuku, nukuvulishaŋa nankashi kukushimeka.

¹⁵Kanwa kami kakushimuna nikuloŋa kweyi, niwamwinu weyi mwaana wejima; ochu nukutwesha kuchindamu mwejima wanyi.

¹⁶Nukwinza nanyidimu yaŋovu yaMwanta Yehova; nukutena kuloŋa kweyi, kwokweyeyi hohu.

¹⁷Eyi Nzambi, yeyi wunanleji kufumisha kuwansi wami; kushika nihanunashimuni nyidimu yeyi yakuhayama.

¹⁸Eyi Nzambi, bayi wunshiyaku, hela ichi chinakula dehi chinela dehi ninvu kunamutuku; kulonda niantu amakonu niyishimwinumu wudumiweyi, niwejima wawu akusemuka niyishimwinumu Ŋovu yeyi.

¹⁹Kuloŋi kweyi nawa, eyi Nzambi, kudi kwiwulu nankashi; eyi yeyi wuneli yuma yamaneni; eyi Nzambi, ochu wakweseka naneyi hinyi?

²⁰Wunatumwekesheli yuma yayivulu yakala nankashi, wukutuhizumwisha cheŋi, wukutufumisha cheŋi mwishina damaseki mwamulehi.

²¹Ntohesheli kulema kwami, balumukaku cheŋi wunkundeji.

²²Nukukusakilila nachisanji, nukusakilila nsaŋu yeyi yalala, eyi Nzambi yami; nukukuŋa mukadada, yeyi wambala waIsarela Wajila.

²³Nyivumbu yami yikutiya kuwaha nankashi chinuku kuseŋi, nimuchima wami wunakuuli wukutiya kuwaha.

²⁴Niidimi dami nawa dikuhanjika mwahita mwaana wejima mpanji yakutena kuloŋa kweyi hohu; ejima akeŋa kunmwesha kukala anatiyi ninsonyi, anatanyi.