Read MUKANDA WANZAMBI Lisamu 72 Bible Online

Lisamu 72 - MUKANDA WANZAMBI bible

Lisamu 72

¹DaSolomoni. Eyi Nzambi, mwinki mwanta wuŋaji weyi, mwinki mwana kamwanta kuloŋa kweyi.

²Yena wakasompesha antu eyi mwaloŋa, niatuzwepi tweyi wakayisompesha mwawuŋaji.

³Nimpidi jamaneni nimpidi janyanya jakayiletela antu kuwunda mukuloŋa.

⁴Wakayihoshela atuzweŋi nyiŋa yawu hadi antu, wakayamwina anyanakawabula yuma, wakamukotola multwakukabisha kotu-kotu.

⁵Akakutiya woma nyaka yejima yikwikalaŋa itaŋwa, yikwikalaŋa nikakweji, kumakiŋu ejima mwamba kavwalikilaŋawu antu.

⁶Yena wakasuluka neyi chikwanvula yikunokela mwanakesuwu matahu; chikwanvula jazoweshaŋa heseki.

⁷Hamafuku akekalayi yena mukwakuloŋa wakashakama chachiwahi, mwakasweja nikuwunda, nichamba kakuma kakweji.

⁸Wakayula kufumisha kukaluŋalwiji, ndo nikukaluŋilwiji kakwawu, kufumisha nikuKaloŋa, ndo nikwakumina maseki.

⁹Ashakama mumakuna akamufukamina, niayilumbu jindi akalasha lunkuŋu.

¹⁰Nianyanta akuTarashishi niakuyitutu akaleta nyilambu; anyanta niaku-Sheba niakuSeba akahana yamukunkulu.

¹¹Mwalala anyanta ejima akadifukula kumesu indi; nyuza yejima yakamukalakela.

¹²Muloŋa wakamupulwisha wabula yuma hakadilayi, wakapulwisha nikazweŋiwabula wakumukwashaku.

¹³Niwazeya niwabula yuma wakayitiyila wushona, wakaamwina abula yuma.

¹⁴Wakayikuula mwayidimbilaŋawu nimwayikabishilaŋawu; mashi awuwakayimona kulema;

¹⁵Akahanda; niwuru wakuSheba akamwinkawu; antu akalombaŋa kudi yena hefuku hefuku; akamusakililaŋa nkoshi mwaana wejima.

¹⁶Hanu hamaseki hansa jampidi jamaneni hakavula kabaka, kusoŋa kwakukwakanyinkesha neyi chikwaLebanoni; antu amunyikala akavulaneyi matahu amwisaŋa.

¹⁷Ijina dindi dakekala kwoku haya nyaka; ijina dindi hidakajiya nyakaye jima yamba kekalapa itaŋwaku; antu akakoolekela hadi yena; nyuza nyejima yakamwila nawu wakooleka.

¹⁸Kisu kisu Yehova Nzambi, diyi Nzambi yaIsarela, diyi welaŋa yuma yakuhayamisha hohu kanka windi.

¹⁹Ijina dindi daya mpuhu adikiswili nkisu haya nyaka; iseki dejimadi inzali nakulema kwindi to-o. Amena naAmena.

²⁰Kulomba kwalombeliyi Davidi mwana kajesi kunakumi dehi.