Read MUKANDA WANZAMBI Lisamu 74 Bible Online

Lisamu 74 - MUKANDA WANZAMBI bible

Lisamu 74

¹Dakuleja nachu. DaAsafwi. Eyi Nzambi wunatúumbilidi chahaya nyaka? Kuzuwa kweyi kudi nakufwindashaninadi neyi wishi, nakuzuliwa yakuwudiilu weyi?

²Anukaku chipompelu cheyi chiwalandili hanyaka, chiwakúulili kulondachi ikali muza weyi wakuswanaŋa; anukaku nimpidi yaZiyona, kuwunashakami.

³Talishaku nyendu yeyi yiyi kumahembi anyaka, mukwankunyi neli yumayejima yatama mumalala.

⁴Akwankunyi neyi anabulumini mukachi kachipompelu cheyi; anemikimpandelu jawu kulonda jiikali yinjikijilu.

⁵Anaditiyakeshi nawu hiyamayala eluka kunyamuna yizembi nakutemanachu nyitondu yadita.

⁶Ichi dinu hiya kuhumuna nayizembi nanyisensi nyitondu yayuyakubaza.

⁷Malaleyi anayochi nakesi, anajiloli itala dambala dakushakama ijina deyi, anadisandi niheseki;

⁸Anahoshi munyichima yawu nawu, Tukuyitamisha chikupu. Anochimashikola aNzambi ejima mwituŋa.

⁹Hitwamonaŋ yinjikijilu yetuku; hikudi nawa cheŋi kaprofwetuku; hela mukachi ketu muntu wakwiluka nindi chakashika hamwakawakanaŋa kwosi.

¹⁰Eyi Nzambi, mwaka wukutuhoshapawu mwatama kudi mukwankunyi, wamba kamana kumwakanyi? Chilumbu wakatenaŋa ijina deyi chatamanyaka yejima, tahindi?

¹¹Wukufuntishiladi chikasa cheyi, chochikasa cheyi chachidiilu? Chiholi muntulu yeyi wuyijilishi ji-i.

¹²Ilaŋa Nzambi diyi Mwanta wami walukanu wakunyaka, wakopapawa mwinu mukachi kawantu hanu heseki.

¹³Yeyi wa ambwili kalupalwŋi naŋovu jeyi; yeyi walokolapa nyitu yawanyama amaneni amumeji.

¹⁴Yeyi wunalokoli nyitu yaleviyatani nakuyichika puchi, mbiji yindihiwu kuyinka niantu ashakama mumakuna, neyi dyenu.

¹⁵Yeyi wabuzili nituseloki nidibaji; hiwukúumisha nituloŋa twamaneni.

¹⁶Nimwaana wambala weyeyi, wufuku nawa weyeyi; yeyi wunalopeshini kucha niitaŋwa.

¹⁷Yeyi wunashi pinza jeseki jejima; yeyi wuneli nopa nimayinza.

¹⁸Anukaku chumichi, eyi Yehova, neyi chilumbu nahoshi chatama, antu asupa anateni ijina deyi chatama.

¹⁹Kapompa keyi bayi wukenka kanyama wazuwaku; bayi wuvulamena chendu chawantu eyi atuzwepi chanyakaku.

²⁰Lemeshaku mweyi watiyaŋeni; hanu hamaseki hejima hekala mwidima hanenzali matala amadombu.

²¹Bayi wuyitiji akabishawu kufunta cheŋi nansonyuku; mwitŋi kazweŋikeyi wabula yuma ahameki ijina deyi.

²²Nyamukaku, eyi Nzambi, wudihosheli nsaŋu yeyeyi aweni: anukakuantu asupa chakukuhoshawu chatama mwaana wejima.

²³Bayi wuvulamena izu dawakwankunyi neyuku, awa akudikaŋa naneyichelaŋawu ipumba fwi-i hefuku hefuku.