Read MUKANDA WANZAMBI Lisamu 77 Bible Online

Lisamu 77 - MUKANDA WANZAMBI bible

Lisamu 77

¹Damukulumpi waivakwakwimba; mwomwembilayayi Yedutuni. Isamu daAsafwi. Nukudila kudi Nzambi nezu dami, kwokudi Nzambi nezu dami! kwaamu, niyena wakantiyilila.

²Mwifuku dinamweni kukala namukeŋakeŋeli Mwanta; nolweli chikasachami nawufuku, hinazeyeluku; muchima wami walekeli kuwukundeja.

³Hinukwanuka Nzambi, hinukululuta, hinukutatoka, nispiritu yami yize yani kuzeya. Sela.

⁴Hiwukutonesha mesu ami nibuli kukama tulu, namoni kukala nankashi, jinankaŋi nkuhosha.

⁵Natoŋojoki mafuku akumwaka, ninyaka yakushankulu.

⁶Hinukwanuka kamina kami kinembilaŋa nawufuku; hinukudilejamumuchima wami; spiritu yami yakeŋakeŋeli nankashi.

⁷Yehova wakatúumba chahaya nyaka, tahindi? Hamba katutiya cheŋi kuwahaku?

⁸Luwi lwindi lunayi dehi chikupu, tahindi? Chikaninu chindi chinakaŋanyi dehi chahaya nyaka, tahindi?

⁹Nzambi navulameni dehi kwanakena, tahindi? Chanazuwiyi najiki dehiwushona windi, tahindi? Sela.

¹⁰Nelili nami, Hikukata kwami; ilaŋa anukwanuka nami nyaka yachikasa chachidiilu chaMukwakubadika Kwiwulu.

¹¹Nukutena yuma yaneliyi Yehova; muloŋa nukwanuka yuma yakuhayama yakunyaka.

¹²Nukutoŋojoka chachiwahi nimwaya mudimu weyi wejima, nukushinshika mumuchima wami muwelaŋa eyi.

¹³Njila yeyi, eyi Nzambi, yidi mwajila; mukishi muneni wudi neyi Nzambi hinyi?

¹⁴Yeyi Nzambi welaŋa yuma yakuhayama, yeyi watiyakeshaŋi Ŋovu jeyi hadi nyuza yawantu.

¹⁵Wunakuuli antu eyi nachikasa cheyi, wowu anyana kaYakoba naYosefu. Sela.

¹⁶Meji akumweni, eyi Nzambi, meji akumweni, hiyakutiya niwoma, nimanyiŋi azaalili.

¹⁷Mavu echikili meji, haluzwizu havumini lushindu bu-lu; nsewu jeyi jamwabeleli niniku niniku.

¹⁸Izu danvula yeyi dadidimini mwiwulu, cheŋi kena shanini munu mwishina mutooka nito-o, niiseki dizaala nikuzaala, dikanka nikukanka.

¹⁹Njila yeyi yekala mukaluŋalwiji, wahitilaŋa mumatuloŋa amaneni, muinahaji eyi hiyelukili mwokuku.

²⁰Eyi walombweli antu eyi neyi mukanka wanyikoku, nachikasa chaMosi naAroni.