Read MUKANDA WANZAMBI Lisamu 78 Bible Online

Lisamu 78 - MUKANDA WANZAMBI bible

Lisamu 78

¹Isamu dakuleja nachu. DaAsafwi. Enu antu ami, tiyililenu nshimbi jami, shenuku nimatu enu mutiyi mazu amukanwa kami.

²Nukwasama mukanwa kami, nukuta chishimu; nukuhosha yumayahanyaka yakala kuyiluka,

³Yitwatiyili, yitwelukili nawa, yatulejeluwu atata jetu.

⁴Hitwakayiji ndamu anyanawuku, antu amba kahiŋamu niwena twambakayilejamu yakumushimeka nachu Yehova, niŋovu jindi, ninyidimuyindi yakuhayama yaneliyi.

⁵Muloŋa yena wakolesheli wunsahu muYakoba, washili nshimbi muIsarela, jalejeliyi ankakulula jetu, kulonda akalejaŋamu anyanawu:

⁶Kulonda antu amba kahiŋamu akelukumu, wowu anyana amba kavwalika; kulonda niwena akanyamuki akayishimwinumu anyanawu niwena,

⁷Kulonda akakuhweleli Nzambi, akabuli kuvulamena nyidimu yaNzambi, akahembi nshimbi jindi,

⁸Akabuli kwikala neyi chadiŋuwu ankakulula jawu, adiŋi antu achinchika, adikaŋa, adiŋi antu abulilaŋa kudiloŋesha munyichima yawu, nispirituyawu hiyadikolesheli kudi Nzambuku.

⁹Anyana kaEfweremi adiŋi amanyeka dehi, asendeli nimata anyikunji, hefuku dakwasa njita afuntilumu.

¹⁰Hiyahembeli chitiyaŋenu chaNzambuku, alekeli kwenda mwaya nshimbijindi,

¹¹Avulameneni yuma yeliliyi, ninyidimu yindi yakuhayama yayimwekesheleliyi.

¹²Kumesu awankakulula jawu welili yuma yakuhayamisha, mwituŋa daEjipitu, mumpata yaZowani.

¹³Wabalwili kaluŋilwiji, wayiliitishili; wemi kili meji kwiwulu ibebi fwi-i.

¹⁴Namwa ana wavilombwelaŋa nevu, nawufuku wejima wayilombwelaŋa nachejeji chakesi.

¹⁵Wabalwili malola muna mwisaŋa, wayinwishili meji amavulu neyi chamumanyiŋi aweni.

¹⁶Wedishili tuloŋ mwilola nawa, wahitishili meji pwapwa-pwapwa neyi chikwatuloŋa twatweni.

¹⁷Ilaŋa wena mwomwawu mwakumuvulumuna yena hohu, nakudikaŋa naMukwakubadika Kwiwulu muna mumpata yawuma.

¹⁸Amwesekeli Nzambi munyichima yawu, nakumulomba yakudya yafwililuwu, yalwisu lwawu.

¹⁹Mwalala, ahosheli mwakunamutuŋiula Nzambi; elili nawu, Nzambi wukutwesha kwaamu kwala mesa munu mwisaŋa?

²⁰Nawu, Chakweta tuhu ilola mwaka mwidiki meji, waleteli; mwafumini nituloŋa pwapwa-pwapwa; atweshi kutwinka niyakudya? Atweshi kwaamu kutuwanishila etu antu indi mbiji?

²¹Dichi Yehova wachitiyili, ahila nikuhila; ni kesi kakumwocha Yakoba kabutuka nikubutuka, nikuzuwa kwindi kumusaŋumukila niIsarela;

²²Nanochu chabuliluwu kumwitiyawu Nzambi, chabuliluwu nikukuhwelelawamwinu windi.

²³Hela chochu, wafumbili luzwizu mwiwulu, wenzulwili yenzelu yamwiwulu;

²⁴Wayinokesheleli manina kulonda adiyi, wayinkeli tidiku yamwiwulu.

²⁵Antu hiyakudya yakudya yawamaneni; wayitemesheleli yakudya adyi ekuti mbe.

²⁶Watambikili mpepela yakumusela yikunki muluzwizu; walombweli mpepela yakukabeta kakuchidiilu naŋovu yindi.

²⁷Wayinokesheleli mbiji yayivulu nankashi neyi chikwalunkuŋu, nitujila twenjili kuvula neyi chikwawu sekulula wakukaluŋilwiji,

²⁸Wayiholweleli mukachi kachilombu chawu, nikumatalawu kwi-ndo.

²⁹Dichi adiili, ekutili; wayinkeli yuma yafwilili nyichima yawu.

³⁰Saŋi aduwu nalwisu lwawu, nikudya kwawu saŋi kudi mukanwa,

³¹Kuzuwa kwaNzambi kwayisaŋumukilili, hakujaha asweja kutoha adiŋumu, hakutapa nianyikwenzi amuIsarela.

³²Hela amweni mwejimimu chavulumunawu, hiyetiyili nyidimu yindi yakuhayamaku.

³³Dichi wakumishili mafuku awu mwamukunkulwayi, ninyaka yawumukufwaŋa mutentu hohu.

³⁴Chayijihiliyi hiyakuya nakumukeŋakeŋa; afuntili cheŋi naku mukeŋi Nzambi swayi swayi.

³⁵Aanukili nawu Nzambi diyi ilola dawu, niNzambi Mukwakubadi kaKwiwulu diyi nkúuli yawu.

³⁶Ilaŋa wena amudimbili tuhu natunwa twawu, atwambili tuhu kudi yena namadimi awu.

³⁷Muloŋa nyichima yawu hiyadiŋi chachiwahi nayenaku, hela kukakela muchitiyanenu chindi hiyakakeleli mwokuku.

³⁸Hakwinza yena dinu nachina chaswejayi wushona wayanakeneni kuluwakwawu, hayijilumwini kwinduku; kuzuwa kwindi wakulekesheli kakavulu, hasaŋumwini ndombu yindi yejimaku.

³⁹Wa anukili kwindi nindi hiyantu hohu kwawu, himpepela yahitaŋaachakuhita hohu kwayu, hiyafuntaŋi cheŋuku.

⁴⁰O mapampa adikaŋiluwu nindi mwisaŋa o kuvula! O chamuvu lokelu wumu makuna!

⁴¹Abalumukili cheŋi hiyakumweseka Nzambi, amukaŋesheli wambala waIsarela Wajila.

⁴²Hiyaanukili hela chikasa chindi, hela ifuku dayikúuliliyi kudi mukwankunyi nawuku.

⁴³Cheliliyi yinjikijilu yindi muEjipitu, niyihayamisha yindi mumpata yaZowani.

⁴⁴Chabalumwiniyi tuloŋ twawu twili mashi, meji awu wayibalumwini abuli kutwesha kuyinwa.

⁴⁵Wayitemesheleli mukachi kawu anjinji amavulu nankashi, ayidiili, watemesheliniyúula, yayijilumwini.

⁴⁶Niyuma yawu yakudima ayinkeli mahashi, ninyidimu yawu yakalakeluwu ayinkeli tubola.

⁴⁷Womishili nyivinyu yawu nanvula yamalola, niyikuyu yawu wayumishilinachishika.

⁴⁸Aŋombi jawu wayinokesheleli nvula yamalola, yimuna yawu yanyanyawayi holweleli nzaji.

⁴⁹Wayitemesheleli kuzuwa kwindi kwasweja neyi kesi, nindombu, nikuhila, niyihuŋu, mukanka waweni wawaŋelu ayuma yatama.

⁵⁰Wabuzili njila yakuhitila kuzuwa kwindi; hayanakeneni yibuli kufwaku, wejili wumi wawu muchipupu;

⁵¹Watapili anyana awedi ejima muEjipitu, joji Ŋovu jawu jakutachikamu matenti aHami;

⁵²Kwinza antu indi yomweni wayiidishilumu neyi nyikoku, wayilombweli mwisaŋa neyi mukanka wanyikoku.

⁵³Wayitweli chachiwahi, hiyatiyili niwomaku, ilaŋa akaluŋalwiji kayibutili ayilumbu jawu wi-i.

⁵⁴Wayishikŋili kuŋinza yetuŋa dindi dajila, kumpidi yinu yalandiliyi nachikasa chindi chachidiilu.

⁵⁵Watemwinumu nyuza kwadiŋi nakuyawu, wayibalwilili wuswana wawuna mwonji, washakamishili nyichidi yaIsarela mumatenti awu.

⁵⁶Hela chochu, amwesekeli Nzambi Mukwakubadika Kwiwulu nakudi kaŋa nindi, hiyakakeleli mwashimwiniyuku,

⁵⁷Ilaŋa wena kwawu afuntili hanyima, akwatili makasu neyi chelilaŋa ankakulula jawu, asenukili hambadi neyi chikwawuta wamukunŋawunashotomoki.

⁵⁸Amuvulokeli azuwi nayinaŋgaŋa yawu, amutiyishili mukawu nawakishiawu asoŋeluwu.

⁵⁹Nzambi chachitiyiliyi wazuwili, wamutiyili Isarela kutama nankashi;

⁶⁰Hakuleka nitabanaka yakuShilo, doditenti dashilivi mukachi kawantu;

⁶¹Ŋovu yindi wayishili muwukoli, nimpuhu yindi wayishili muchikasa chamukwankunyi nindi.

⁶²Waheni antu indi kulonda amoni mpoku yakabali, wazuwilili wuswana windi.

⁶³Anyikwenzi jawu ayidiili kudi kesi; niyaŋadima yawu hiyayimbililikamina kawu kakuyisumbwishaku.

⁶⁴Atupristu twawu ayidimbwishili heseki nampoku yakabali, niantuluwajawu hiyadililuku.

⁶⁵Henohu Mwanta otona nikutona neyi chahindukaŋayi muntu namutulu, neyi chadikuwaŋayi iyala wukweti Ŋovu hanwaŋyi walwa.

⁶⁶Hakutapa akwankunyi nindi hiyakufunta hanyima, hakuyisawisha chikupuchahaya nyaka.

⁶⁷Yena walekeli itenti daYosefu, hatondeli muchidi waEfweremuku;

⁶⁸Watondeli muchidi waYuda, yoyi mpidi yaZiyona yakeŋeliyi.

⁶⁹Watuŋili malalindi neyi yinaŋgaŋi, neyi iseki dahatishiliyi chahaya nyaka.

⁷⁰Watondeli nikambuŋindi Davidi, wamufumishili kumayinda anyikoku;

⁷¹Wamufumishili kwalondelaŋayi nyikaji yanyikoku yadiŋi nakwamwisha anyanawu, kulonda akadiishi Yakoba wowu antu indi, niIsarela diwu wuswana windi.

⁷²Dichi wayidiishili mwomwaya kuwaha kwamuchima windi, wayilombwelina wukalawenu wamakasindi.