Read MUKANDA WANZAMBI Lisamu 79 Bible Online

Lisamu 79 - MUKANDA WANZAMBI bible

Lisamu 79

¹Isamu daAsafwi. Eyi Nzambi, antu amunyuza yacheŋi aneŋili muwuswana weyi, anajiloli tembeli yeyi yajila, anasandi Yerusalema kwanyilumba hohu.

²Yibimbi yawambuŋeyi anayinki atujila ahaluzwizu adiyi, nimbiji yawantu eyi ajila anayinki anyama amwisaŋa.

³Mashi awu anayimwaŋi neyi meji kwakwihi naYerusalema kwi-ndo; hikwadiŋi wakuyijiikaku.

⁴Tunasawuki dehi hadi akwetu twatuŋi nawu mwamwihi, awa atunyeŋu muka hiya kutusekesha chikupu nakutuseha.

⁵Kumwakanyi, eyi Yehova? Wakazuwa chahaya nyaka tahindi? Mukawuweyi wukukuminaŋa dakubidimaŋa neyi kesi tahindi?

⁶Ichilaku ndombu yeyi hanyuza yawantu yabula kukwiluka, nihamatuŋi awena abulaŋa kutambika ijina deyi.

⁷Muloŋa wena anamudyi Yakoba, anakisaŋani mpata yindi yashakamayi.

⁸Bayi wutwanukilaŋa kuluwa kwadiŋi nakuluwaluwawu ankakulula jetuku; wushona weyi wutwaminaŋahu dehi swayi kutukuya; muloŋa natuzeyeshinankashi.

⁹Eyi Nzambi yawamwinu wetu, tukwashuku kulonda kulema kwejinadeyi; tupulwishi, tutookesheli nshidi jetu, nansaŋu yejina deyi.

¹⁰Indi antu amunyuza akuhosheladi nawu, Nzambi yawu wudi kudihi? Wadi kutenda mashi awambuŋeyi anamwaŋuwu, antu amunyuza achiluki, tuchimonuhu namesu etu.

¹¹Chashishumokaŋayi muntu anakasuwu chashikaŋi nikudeyi; yihembicha chiwahi awa anafuukwiluwu kufwa mwomwatohela ŋovu jeyi.

¹²Akwetu twatuŋi nawu mwamwihi yihiŋishili muntulu jawu katanuna kayedi kusawula kwanakusawuluwu, eyi Mwanta.

¹³Ninetu antu eyi, yetu nyikoku yiwadiishaŋi, twakakusakililaŋa haya nyaka. Twakakutiya keshaŋi nakukushimeka kumakiŋu ejima mwamba kavwalikilaŋawu antu.