Read MUKANDA WANZAMBI Lisamu 80 Bible Online

Lisamu 80 - MUKANDA WANZAMBI bible

Lisamu 80

¹Damukulumpi wawakwakwimba. Dakwimbila muShoshanimi Eduti. Isamu daAsafwi. Tiyililaku, eyi Kabiŋi kaIsarela, yeyi walombolaŋ Yosefu neyi mukanka wanyikoku; eyi washakama hadi akerubi, toŋekaku.

²Kumesu aEfweremi naBenjamini naManase dikoleshi naŋovu yeyi, winzi nakutwamwina.

³Tufuntishumu cheŋi, eyi Nzambi, wututoŋekeli mesu eyi, tuhandi.

⁴Eyi Yehova Nzambi wamazaza, nyaka yiwakahila nakulomba kwawantu eyi yiŋahi?

⁵Wunayidiishi yakudya yamadilu, wunayinwishi madilu muchesekelucheneni.

⁶Hiyakutwila twi kali nsaŋu yakuzuŋisha akwetu twatuŋi nawu mwamwihi; ayilumbu jetu hiyakuseha.

⁷Tufuntishumu cheŋi, eyi Nzambi wamazaza, wututoŋekeli mesu eyi, tuhandi.

⁸Eyi wedishili muvinyu weyi muEjipitu; watemwinumu nyuza, hiwukuwutumbamu.

⁹Kuwadiŋi wachipiluku, wameneni nyizaji yayili hahalehi, wenzesheli ituŋa to-o.

¹⁰Nimapidi eŋilili muwulelu wawu lwe, nyitayi yawu yadiŋi neyi nyitonduyanyisida yaNzambi.

¹¹Washikijili nyitayi yawu kukalupalwŋi, nyiseli yawu yashi kili niku-Kaloŋa.

¹²Indi eyi wunahumwinidi ikoli dadiŋuku, kulonda antu ejima akuhitamunjila akakumunuku?

¹³Nichombu hakufuma mwisaŋa hakuwukisaŋana, nianyama amumpata hiyakuwidya.

¹⁴Tufuntishumu, tunalembi, eyi Nzambi wamazaza; omu mwiwulu muwudi tala hanu hamaseki, wumoni, wuhempuli muvinyu wunu,

¹⁵Mutondu watumbili nachikasa cheyi chachidiilu, nimutayi wadikolesheleli weyeyi aweni.

¹⁶Wunasukumi dehi nakesi, anawutemi dehi; hiyakujilumuka nachina chiwukuyihilila namesu eyi.

¹⁷Chikasa cheyi chiikali hadi iyala wakuchikasa cheyi chachidiilu, hadimwana kamuntu wunadikolesheli weyeyi aweni.

¹⁸Dichi twakabula kufunta hanyima nakukushiya eyi; tuhizumwishi, tutambiki ijina deyi.

¹⁹Tufuntishumu cheŋi, eyi Yehova Nzambi wamazaza, tutoŋekeli mesu eyi, tuhandi.