Read MUKANDA WANZAMBI Lisamu 85 Bible Online

Lisamu 85 - MUKANDA WANZAMBI bible

Lisamu 85

¹Damukulumpi wawakwakwimba. Isamu dawanyana kaKora. Eyi Yehova, wunatiyi dehi ituŋa deyi kuwaha; wunafuntishi dehiwukoli waYakoba.

²Wunayanakeni dehi antu eyi kuluwa kwawu, wunabuti dehi nshidi yawuyejima wi-i. Sela.

³Wunafumishuku dehi ndombu yeyi yejima; muwaswejeli kuzuwa wunabalumukumu dehi.

⁴Eyi Nzambi yawamwinu wetu, tufuntishi cheŋi, wuleki kutuhilila.

⁵Wakatuzuwilaŋa nyaka yejima zuwe-e, tahindi? Wakakakela mukuzuwani kumakiŋu ejima mwamba kavwalikilaŋawu antu, tahindi?

⁶Hiwukutu hizumwishahu cheŋi etu antu eyi tutiyuhu kuwaha naneyuku, tahindi?

⁷Tumwekesheli luwi lweyi, eyi Yehova, wutwinki wamwinu weyi.

⁸Nukutiya yakuhoshayi Nzambi Yehova; muloŋa yena wukuhoshaya kuwunda kudi antu indi, nikudi indi ajila; ilaŋa wena bayi afunta cheŋi mukusupaku.

⁹Chalala wamwinu windi wudi kwakwihi nanawa akumutiya woma; kulonda kulema kushakami mwituŋa detu.

¹⁰Niluwi ninsaŋu yalala yinabulakani hamu, nikuloŋa nikuwunda anadipwepujoli.

¹¹Nsaŋu yalala yamenaŋi heseki, nikuloŋa omu mwiwulu mukwekaiahikukutala mwishina.

¹²Mwalala, Yehova wakahana yayiwahi, niituŋa detu dakasoŋi yakudya.

¹³Kuloŋi kwakatwaminaŋ kumbidi kwakuyayi, nakumushila mwakudatilanyendu yindi.