Read MUKANDA WANZAMBI Lisamu 86 Bible Online

Lisamu 86 - MUKANDA WANZAMBI bible

Lisamu 86

¹Mwalombeliyi Davidi. Eyi Yehova, bandamaku wuteŋeleki itu deyi, wuntiyi; muloŋa mi nikazweŋi wabula yuma.

²Nhembi chachiwahi, muloŋa mi niwambala waNzambi, eyi Nzambi yami, ŋamwini ami kambuŋeyi nakukuhwelelaŋeyi.

³Ntiyili luwi, eyi Mwanta, hinukukutambika mwaana wejima.

⁴Tiyisha muchima wamami kambuŋeyi kuwaha, muloŋa natalishi muchimawami kwiwulu kudeyi Mwanta.

⁵Muloŋa eyi Mwanta wumuwahi waanakenaŋ, antu ejima akutambikaŋwasweja kuyitiyila luwi.

⁶Eyi Yehova, tiyililaku munukulomba, tiyaku izu dami dinukulembelela.

⁷Hefuku dinakamona ihuŋu nakakutambika, muloŋa eyi waketiya.

⁸Hadi amaneni hekala wakwesekana naneyuku, eyi Mwanta; hela nyidimuyakweseka nanyidimu yeyi hiyekala kwokuku.

⁹Eyi Mwanta, nyuza yawantu yiwaleŋeli yejima akenza nakudifukula kumesu eyi; akatohesha ijina deyi.

¹⁰Muloŋa eyi wumuneni, welaŋa yuma yakuhayamisha, yeyi Nzambikanka weyi hohu.

¹¹Eyi Yehova, nleji njila yeyi, nukwenda mwaya nsaŋu yeyi yalala. Bayiniikala nanyichima yiyeduku, chiŋa wunyinka wumu hohu wakwakama ijina deyi.

¹²Nukukusakilila namuchima wami wejima, eyi Mwanta, eyi Nzambi yami, nukutohesha ijina deyi haya nyaka.

¹³Muloŋa luwi lweyi lwantohela, wunapulwishi wumi wami mukaluŋa mwishina.

¹⁴Eyi Nzambi, adinka wanta anannyamukili dehi, izaza dawantu azuwa hiya kunkeŋikeŋi, hiyanakushi eyi kumesu awuku.

¹⁵Ilaŋa eyi kweyi, eyi Mwanta, wuNzambi wenzala nawushona nikutoŋa, hiwazuwaŋa swayuku, wasweja niluwi ninsaŋu yalala.

¹⁶Balumukaku wutali kudami, wuntiyili luwi, wunyinki ami kambuŋeyiŋovu yeyi, wuŋamwini ami mwana kakambuŋeyi wamumbanda.

¹⁷Wunleji chinjikijilu chachiwahi, kulonda awa ankwatila nkunyi achimoni, atiyi nsonyi, muloŋa eyi Yehova, yeyi wunankwashuku, yeyi wunankundeji.