Read MUKANDA WANZAMBI Lisamu 88 Bible Online

Lisamu 88 - MUKANDA WANZAMBI bible

Lisamu 88

¹Hikamina. Isamu dawanyana kaKora. Damukulumpi wawakwakwimba. Dakwimbila muMahalati Leyanoti. Dakuleja nachu. DaHemani wakuEzera. Eyi Yehova, yeyi Nzambi yawamwinu wami, nabilelaŋa kwamikumesu eyi, nimwaana niwufuku.

²Kulomba kwami kushiki lwe muwekaleyi; teŋeleka itu wutiyi chinukudila;

³Muloŋa muchima wami wunamoni yuma yakala yayivulu, niwumi wamihiwukuya nakushika kwakwihi nakaluŋa.

⁴Ambomba dehi hamu nanawa akuya nakukunkumuka mwibuku, nidineyi iyala wabula wakumukwashaku;

⁵Aŋumbila dehi mudi afu neyi awa ajahiluwu anakami mwijamu, hiwayanukaŋa cheŋuku; kuchikasa cheyi ayifumishaku dehi.

⁶Wunaŋushi dehi mwibuku dasweja kuleha, mwekala mwidima, mwabwi, mwakunama.

⁷Ndombu yeyi yinakumini dakunshatamena mbe, wunankabishi namankandeyi ejima. Sela.

⁸Awa nadiluka nawu wunayitwali kwakulehi nanami, wunambalumuni dehi hiniwatama nankashi kumesu awu; anaŋenzelelumu, hinukutwesha kwidika hanzuku.

⁹Mesu ami hiyakunoŋaa namakabi inamoni, nakutambikaŋa hefuku hefuku eyi Yehova, nakwolweli makasami.

¹⁰Afu wuyileji yuma yakuhayamisha? Afu akusaŋuka nakukusakilila? Sela.

¹¹Mwŋi amu ashimwinumu luwi lweyi? Hela kashinshi keyi akashimwini mukuji ilumuka?

¹²Yuma yeyi yakuhayamisha ayiluki mumwidima? Hela kuloŋa kweyi akwiluki mwituŋa mwekala kuvulamena?

¹³Ilaŋa ami nabileli kudeyi eyi Yehova, habudidi kulomba kwami kwakashika kudeyi.

¹⁴Eyi Yehova, wunombilidi wumi wami? Wanswekela ŋadi mesu eyi?

¹⁵Ami nakabakani kunashali kwanti nakufwa hohu kufumisha kuwansiwami; chinukumona yuma yeyi yakunfwisha mutentu, nimwakuntwala nehi.

¹⁶Ndombu yeyi yazuwa nankashi yinaholoki hadami; yuma yeyi yakunfwisha mutentu yinanfumishuhu.

¹⁷Hiyi kuni nyeŋu muka kwi-ndo neyi meji hohu mwaana wejima; hiyikunkumisha mukachi.

¹⁸Niwadikata nanami niibwambu dami wunayitwali kwakulehi nanami, nadiluka nindi wuna mutwali mumwidima.