Read MUKANDA WANZAMBI Lisamu 89 Bible Online

Lisamu 89 - MUKANDA WANZAMBI bible

Lisamu 89

¹Dakuleja nachu daEtani wakuEzera. Nakembaŋa haya nyaka tumina twakutena luwi lwaYehova lwaluvulu; nakatiyakesha kashinshi keyi nakanwa kami kumakiŋu ejima mwamba kavwalikilaŋawu antu.

²Ami neli nami, Luwi akalutuŋiŋa haya nyaka; kashinshi keyi wakakakolesha mumawulu mwamweni.

³Natiyaŋani dehi chitiyaŋenu nawami inatondi, nadishiiki nakambuŋami Davidi nakusanyika chakusanyika;

⁴Nami, Anyaneyi nakayikolesha mbe chahaya nyaka, itanda deyi dawanta nakadituŋa dakakola kumakiŋu ejima mwamba kavwalikilaŋawu antu. Sela.

⁵Mawulu akasakilila yuma yeyi yakuhayamisha, eyi Yehova; nikashinshikeyi akakasakilila muchipompelu chawantu ajila.

⁶Ochu mwiwulu mudinyi wakweseka naYehova? Hadi anyana kawamaneni hadinyi wakweseka naYehova?

⁷Yena hiNzambi wakutiya woma nankashi hampùŋa jawantu ajila, wakutiya woma wakubadika ejima ekalayi nawu.

⁸Eyi Yehova Nzambi wamazaza, hinyi wukweti Ŋovu yakweseka naneyi, eyi Yah? Kashinshi keyi kakunyeŋumuka kwi-ndo.

⁹Yeyi wafumbaŋ kaluŋilwiji hadinkaŋyi wanta, yeyi wamweneshaŋ mankandindi hanyamukaŋawu kwiwulu.

¹⁰Wunamukotoli Rahabi kotu-kotu neyi muntu anajahuwu; wunayimwaŋiayilumbu jeyi nachikasa cheyi chaŋovu mwa-mwa.

¹¹Nimawulu eyeyi, niiseki deyeyi, nimpata yejima niyuma yalumbamamu, yeyi wayituŋali hakusambila.

¹²Yeyi waleŋeli kabeta kakuchimunswa, nakabeta kakuchidiilu; Taborina Herimoni atiyaŋa kuwaha nejina deyi.

¹³Eyi wukweti chikasa chasweja ŋovu, chikasa cheyi chakola, chikasa cheyi chachidiilu chidi hewulu.

¹⁴Itanda deyi dawanta heshina hiyadituŋalawu adituŋala hakuloŋ nahwuŋaji; luwi ninsaŋu yalala yatwaminaŋahu dehi kumesu eyi.

¹⁵Antu akwiluka chakwimbawu mpùŋa anakooleki; hiyakwenda muchejeji chakumesu eyi, eyi Yehova.

¹⁶Hiyakutiya kuwaha nejina deyi mwaana wejima, hiya kutu umbakanana kuloŋi kweyeyi.

¹⁷Muloŋa eyi yeyi lubanji lwaŋovu yawu; hawuselewa weyi dihu tukwimikilaluseŋu lwetu kwiwulu.

¹⁸Muloŋa nkebu yetu yambala yaYehova, nimwanta wetu walukanuwambala waWajila waIsarela.

¹⁹Eyi wahosheli weyi wajila muchimwenu, welili neyi, Ami nashi wukwashihadi chilobu; natúumbakeshi muntu wumu wakutonda hadi antu ejima.

²⁰Namuwani kambuŋami Davidi; namuwayishi manji ami ajila;

²¹Chikasa chami chakadikolesha nayena; chikasa chami chakamwinka Ŋovu.

²²Chilumbu hakamudiila yanyilamuku, muntu waluwa hakamukabishaku.

²³Akwankunyi nindi nakayidimbwisha heseki kumesu indi, nakayitapa antu amuhelaŋa.

²⁴Ilaŋa kashinshi kami niluwi lwami wakekala nalu; luseŋu lwindi wakalwimika kwiwulu nejina dami.

²⁵Chikasa chindi nakachisha hakaluŋalwiji, chikasa chindi chachidiilu nakachisha hatuloŋa.

²⁶Wakantambika nindi, Yeyi tata yami, yeyi Nzambi yami, yeyi ilola dawamwinu wami.

²⁷Ninami nakamwila nami wedi wami, wayibadika kulema anyanta ankanu ejima ahanu heseki.

²⁸Nakamuhembela luwi lwami haya nyaka, chitiyaŋenu chami chaku tiya jinana yena chakakola.

²⁹Anyanindi nakayishakamisha haya nyaka, niitanda dindi dawanta dakashakamaneyi mafuku amwiwulu.

³⁰Neyi anyanindi akaleka nshimbi jami, nákubula kwenda mwaya wuŋajiwami,

³¹Neyi akamotoka mazu ami, nákubula kuhemba munayilejeli;

³²Nakashika kudi wena nakuyibabesha nakabama hansaŋu yanyiloŋa yawu, nakayibabesha nanyinkakambu nachakuluwawu.

³³Ilaŋa luwi lwami hinakamutambulalu chikupuku, nikashinshi kami hinakaketejakwikala kakutwambaku.

³⁴Chitiyaŋenu chami hinakachimotokaku, chuma chinafumi mukanwakami hinakachibalumunaku.

³⁵Nasanyikili dehi kamu mwomwami munajila, nami, Hinakatwamba kudi Daviduku.

³⁶Anyanindi akashakama haya nyaka, niitanda dindi dawanta dakashakama shakame-e neyi itaŋwa kumesu ami,

³⁷Akadikolesha ngu haya nyaka neyi kakweji, neyi chinsahu wamwiwuluwa shinshika. Sela.

³⁸Ilaŋa eyi wunamúumbi dehi, wuna muleki dehi, wunamuzuwili weyiwawayishili manji.

³⁹Wunatiyi dehi kutama nachitiyaŋenu chakambuŋeyi, wunatamishi dehi chibaŋula chindi nakuchinata heseki,

⁴⁰Wunakotoli dehi makoli indi ejima, wunasandi dehi yipaka yindi mwadikaŋililiyi.

⁴¹Antu ejima akuhitaku njiloyu hiyakumubuwa, nasawuki dehi kudi akwawu atuŋi nindi mwamwihi.

⁴²Wunanyamuni kwiwulu chikasa chachidiilu chawakwankunyi nindi, wunatiyishi ayilumbu jindi ejima kuwaha.

⁴³Mwalala, mpoku yindi yakabali wunayifuntishi hanyima, hiwuna mwimi kimunjitaku.

⁴⁴Wunakumishi dehi kuwaha kwindi, itanda dindi dawanta wunadinati dehi heseki.

⁴⁵Mafuku awukwenzi windi wunayikeheshi, wunamubuti nansonyi hohuwi-i. Sela.

⁴⁶Kumwakanyi, eyi Yehova? Wakabatamaŋa haya nyaka, tahindi? Ndombu yeyi yakabidimaŋa neyi kesi nyaka yiŋahi?

⁴⁷Anukaku mafuku ami chanakehuwu; nichiwayileŋeli anyana kawantu ejima, kulonda elaŋa yuma yamukunkulwayi!

⁴⁸Iyala wakahandaŋi hohu, wakabula kumona kufwa hinyi? Iyala nyiwaka amwina wumi windi kuŊovu yakaluŋi? Sela.

⁴⁹Eyi Mwanta, luwi lweyi lwakusambila, luwamwilili Davidi hiwamusanyikilili nakashinshi keyi, hiludihi?

⁵⁰Anukaku, eyi Mwanta, chanasawukuwu ambuŋeyi, mazu atama anahoshuwunyuza yawantu yamaneni nendaŋi nawu muntulu yami,

⁵¹Wowu mazu anahoshuwu ayilumbu jeyi, eyi Yehova, wowu mazu anahoshuwuchatama nakutena mwadata nyendu yaweyi wawayishili manji.

⁵²Kisu kisu Yehova haya nyaka. Amena niAmena.