Read MUKANDA WANZAMBI Lisamu 91 Bible Online

Lisamu 91 - MUKANDA WANZAMBI bible

Lisamu 91

¹Wekala muchiswamu chaMukwakubadika Kwiwulu wakashakama muwulelu waChinaweji.

²Nukumutena Yehova nami, Diyi chiswamu chami, diyi mpwembu yami, diyi Nzambi yami, inakuhwelela.

³Mulona yena diyi wakakupulwisha nimumwonji watayi chibinda, nimuchipupuchafwana.

⁴Wakakubuta namavuji indi wi-i, eyi wakabatama mumpuula jindi; nsaŋu yindi yalala hinkebu, hichuma chakudihemba nachu kunjita.

⁵Bayi wakaakama chuma chafwishaŋa mutentu nawufuku, hela nsewuyakwasawu namwa ana;

⁶Hela chipupu chendaŋa namwidima, hela kujilumuka kwakisaŋanaŋa hakachi kamwa anaku.

⁷I kombakaji dawantu dakadimbukila hambadi yeyi, makombakaji ikumi akadimbukila kumbadi yeyi yachidiilu; hichakashika kwakwihinaneyuku.

⁸Wakachimona kwanamesu eyi hohu, wakamona wuloku wakatambulawu antu atama.

⁹Nanochu chiwuneli neyi, Eyi Yehova, yeyi chiswamu chami! Wunamwili Mukwakubadika Kwiwulu himweyi mwakushakama.

¹⁰Hikudi chuma chatama chakakuwanaku, hela musoŋu watama hiwakashika kwakwihi netala deyuku.

¹¹Wakayileja aŋelu jindi nindi akakuhembaŋa mwejima muwakayaŋa,

¹²Akakwakaŋa namakasawu, wakenza kahuma mwendu weyi kwilola.

¹³Nimutupa nikapela wakayidata, nimwenzi wamutupa nikapela wakayidatola mwishina danyendu yeyi.

¹⁴Nakamupulwisha nanochu chanankeŋiyi nankashi, nakamusha hewulu, nanochu chanelukiyi ijina dami.

¹⁵Wakantambika, naketiya, nakekala nindi hamu hakamonayi ihuŋu, nakamupulwisha nakamulemesha.

¹⁶Nakamutiyishaŋa kuwaha nakumuhandisha nyaka yayivulu, nakamumwekeshela wamwinu wami.