Read MUKANDA WANZAMBI Lisamu 92 Bible Online

Lisamu 92 - MUKANDA WANZAMBI bible

Lisamu 92

¹Isamu. Hikamina kahefuku daSabata. Chachiwahi kumusakilila Yehova, nakusepa ijina deyi, eyi Mukwa-ir kubadika Kwiwulu.

²Chachiwahi kushimuna luwi lweyi nabudidi, nikushimuna kashinshikeyi nawufuku, mafuku ejima,

³Muchisanji chanyonji ikumi, nimundimba, nakwimba chachiwahi chawundamukulaadada.

⁴Muloŋa wunantiyishi kuwaha namudimu weyi, eyi Yehova; nukudisambana nyidimu yakumakaseyi.

⁵Eyi Yehova, o nyidimu yeyi o chiyatoha! Yitoŋojoka yeyi yasweja kukunama!

⁶Muntu wudi neyi kanyama helukaku, hela chisupi hachilukaku:

⁷Chelaŋawu antu atama hiyakumena neyi matahu, niakwakukoŋa nyidimu yakuluwa hiyakukula lufuchi, komana analondi kuyiŋilumuna chahayanyaka.

⁸Ilaŋa eyi Yehova wekala hewulu nyaka yejima.

⁹Tala ayilumbu jeyi, eyi Yehova, tala ayilumbu jeyi akajilumuka; akwakukoŋa nyidimu yakuluwa wejima wawu akamwaŋala mwa-mwa.

¹⁰Wunemiki luseŋu lwami hewulu neyi chikwaluseŋu lwanombi yampata; ananwayishi dehi manji amaha.

¹¹Mesu ami anamoni akwakumpampata, matu ami anatiyi akwakukoŋa chatama akunnyamukila.

¹²Muntu waloŋa wakakula chachiwahi neyi mukoma, wakakula neyimusida wamuLebanoni.

¹³Awa anatumbuwu mwitala daYehova, akakulila muyipapu yaNzambi yetu.

¹⁴Chakashikawu muwushinakaji saŋa asopelawu nyikabu; akenzala namejito-o, akatuuta ke-kee;

¹⁵Kulonda amwekeshi cholokayi Yehova; yena diyi ilola dami, mudi yena himwekala kuhepaku.