Read MUKANDA WANZAMBI Lisamu 94 Bible Online

Lisamu 94 - MUKANDA WANZAMBI bible

Lisamu 94

¹Eyi Yehova, eyi yeyi Nzambi mukwakutenda, eyi Nzambi mukwakutenda, dimwekeshi!

²Nyamukaku eyi mukwakusompesha heseki; yinki adinka wanta wufwetuwawu wunayiteleli.

³Eyi Yehova, nyaka yawantu atama yiŋahi? Atama akuluŋa nyakayiŋahi?

⁴Hiyakutatoka tuhu, hiyakuhosha chakudivuna; akwakukoŋa nyidimuyakuluwa wejima wawu hiyakudisamba.

⁵Hiyakukotola antu eyi kotu-kotu, eyi Yehova, hiyakukabisha wuswanaweyi.

⁶Hiyakutapa nintuluwa, ni mwenyi, hiyakujaha ninshona.

⁷Hiyakwila nawu, Yehova hakachimonaku, nawu, Nzambi yaYakoba hakachisha kumuchimaku.

⁸Toŋojokenu chachiwahi, enu antu mwekala neyi anyama, enu ayisupi, ifukwinyi mwamba kaheta maana?

⁹Watumbili itu, abuli kutiya? Wawumbili disu, abuli kumona?

¹⁰Wafumbaŋ nyuza yawantu, abuli kubabesha? Mwalala hidiyi walejaŋantu maanaku?

¹¹Yehova weluka yitoŋojoka yawantu, nindi yakuhemesha hohu.

¹²Muntu akababeshawu kudeyi, akalejawu maana munshimbi jeyi, eyiYehova, nakooleki;

¹³Kulonda wumunookeshi abuli kumona cheŋi mafuku atama, nichambakapundawu wina wakufwa antu atama.

¹⁴Ochu Yehova wukúumba antu indi wanyi, hela kushiya wuswana windihakawushiyaku.

¹⁵Muloŋa wupaji wakabalumuka cheŋi waŋa, niantu ejima oloka mumuchima akalonde jamu.

¹⁶Wukunyamuka nakunkwashaku nawakwakwila chatama hinyi? Wukunya mukana kunkwashaku nawakwakukoŋ nyidimu yakuluwa hinyi?

¹⁷Chákubula Yehova kwila nkwashi yami, mutenowu wumi wami wunamwenidehi zo-o.

¹⁸Chinelili nami, Mwendu wami hiwukuselumuka, luwi lweyi, eyi Yehova, hilukunkwatisha.

¹⁹Chimwekalaŋa yitoŋojoka yayivulu mumuchima wami, kukundeja kundeja kuwankundejaŋa kwatiyishaŋa muchima wami kuwaha nankashi.

²⁰Wanta waluwa welaŋa nshimbi jakwila nachu yuma yatama wutweshikutiyaŋana naneyi?

²¹Hiyakukwata mpùŋai yawu yakulwa nawumi wamukwakuloŋa, hiyakufwishamuntu wakadi muloŋa.

²²Ilaŋa Yehova diyi kaposhi kami kakale hikakutemukila, diyi Nzambi yami, diyi ilola dami dakuswama.

²³Wayishikŋila dehi kuluwa kwawu awenawu, wakayifumishamu nakutamakwawu awenawu, Yehova Nzambi yetu wakayifumishamu.