Read MUKANDA WANZAMBI Lisamu 96 Bible Online

Lisamu 96 - MUKANDA WANZAMBI bible

Lisamu 96

¹Mwimbilenu Yehova kamina kakaha, mwimbilenu Yehova, enu akweseki dejima.

²Mwimbilenu Yehova, kiswilenu ijina dindi nkisu; tiyakeshenu wamwinu windi hefuku hefuku.

³Shimunenu kulema kwindi munyuza, ninyidimu yindi yakuhayamisha yishimunenu mudi antu ejima.

⁴Muloŋa Yehova himuneni, watelela yowu kumuhameka nankashi; watelela kumutiya woma wakubadika watiyaŋawu akishi ejima.

⁵Muloŋa akishi ejima awantu hiyuma yamukunkulwayi tuhu; ilaŋa aYehova diyi watuŋili mawulu.

⁶Kumesu indi kwekala ni kulema niwanta; mumalalindi mwekala niŊovunilubanji.

⁷Enu yisaka yawantu, mwinkenu Yehova, mwinkenu Yehova nikulemaniŋovu.

⁸Mwinkenu Yehova kulema kwejina dindi; letenu himulambu, iŋilenu muyipapu yindi.

⁹Difukulenu kudi Yehova mulubanji lwakujila; zaalenu woma kumesu indi, iseki dejima.

¹⁰Hoshenu munyuza nenu, Yehova nashakami muwanta; mpata yamunu mwishina anayikoleshi mbe kulonda yikapanyi kuswila; wakasompesha antu mwaloŋa.

¹¹Mawulu azanalali, iseki ditiyi kuwaha; kaluŋilwiji kavumi naŋovu, niyuma yejima yalumbamamu;

¹²Mpata yilupi, niyuma yejima yekalamu; ninyitondu yejima yamwisaŋa yikwimba tumina twakuzaŋalala.

¹³Kumesu aYehova, muloŋa yena hakwinza; hakwinza nakusompesha iseki; wakasompesha mpata yamunu mwishina mwaloŋa, wakasompesha nyuza yawantu nakashinshi kindi.