Read MUKANDA WANZAMBI Lisamu 97 Bible Online

Lisamu 97 - MUKANDA WANZAMBI bible

Lisamu 97

¹Yehova nashakami muwanta; iseki ditiyi kuwaha; yitutu yahameji yayivulu yizaŋalali.

²Kwadiyi yena kwi-ndo kudi nimavu nimwidima; kuloŋi nawuŋaji diwuchikuku chetanda dindi dawanta.

³Kesi katwaminaŋi kumbidi kwakuyayi, kochaŋa akwankunyi nindikwadiyi kwejima.

⁴Kukena kwambala kwatookesheli mpata yamunu mwishina to-o; iseki dachimweni, dizaala nikuzaala.

⁵Mpidi jasuŋunukili neyi nsela kumesu aYehova, kumesu aMwanta weseki dejima.

⁶Mawulu ashimunaŋa kuŋa kwindi, antu ejima anamoni kulema kwindi.

⁷Ejima apeshapa akishi akusoŋa anatiyi nsonyi, wowu adisambaŋa nawakishi akutuŋa; difukulenu kudi yena enu amaneni ejima.

⁸Ziyona wachitiyili, wazaŋaleli, nianyana awambanda aYuda atiyilikuwaha nawuŋaji weyi, eyi Yehova.

⁹Muloŋa eyi Yehova, yeyi wabadika kwiwulu deseki dejima; wanyamuka kwiwulu chakubadika nankashi amaneni ejima.

¹⁰Enu mwamukeŋi Yehova helenu yatama; yena wahembaŋa chachiwahi wumi wawantu indi ajila; wayipulwishaŋa kudi antu atama.

¹¹Chejeji achidi minaŋa waloŋa, nikuzaŋlala achidi minaŋoloka munyichima yawu.

¹²Zaŋalalenu naYehova, enu aloŋa; chimukwanuka kujila kwindi sakililenu.