Read MUKANDA WANZAMBI Liproverbia 1 Bible Online

Liproverbia 1 - MUKANDA WANZAMBI bible

Liproverbia 1

¹Yishimu yaSolomoni mwana kaDavidi, mwanta wawaIsarela.

²Kulonda kwiluka maana nikufumbika; kulonda kushinshika mwaya mazu akashinshi;

³kulonda kutambula nikufumbika kwakwila mwamaana, nikuloŋa, niwuŋaji, nikwila mwesekana.

⁴Kulonda kuleja wakadi maana mwakubabela, nikuleja mukwenzi mwakwilukila, nimwakutoŋojokela mwakashinshi.

⁵Kulonda mukwamaana atiyi, asweji kudiza; nimukwakashinshi akashiki muwu leje luwa maana amawahi;

⁶Kulonda mukwamaana atiyi, asweji kudiza; nimukwakashinshi akashiki muwulejelu wamaana amawahi; kulonda kushinshika mwaya chishimu nikuchilumbulula, nimazu awakwamaana, niyuma yakala yahoshaŋawu.

⁷Kwakama Yehova diku kwiluka kwakutachika; hakwila asupa adiwulaŋa maana nikufumbika.

⁸Eyi mwanami, tiya mwakufumbaŋayi tata yeyi, bayi wuleka nshimbi jamama yeyuku.

⁹Muloŋa diji jakekala chibaaba chaluwi chakunamutu weyi, niwusaŋa wamunshiŋu yeyi.

¹⁰Eyi mwanami, neyi akwanshidi akukudimbeka bayi witijaku.

¹¹Neyi akwila nawu, Tuyi neyi, twakabelamini mashi, twakabataminimuntu wakadi muloŋa chakadi nichuma chaneliyi;

¹²twakayiminyi amomi neyi chikwejamu, amukuma neyi antu ayaloŋamuwina.

¹³Twakawana maheta alema ejima. Twakenzesha mumataletu nayumayakubuwa.

¹⁴Wakadibombi nanetu, twakekali nachikwama chetu chimu.

¹⁵Eyi mwanami, bayi wenda nawu munjilaku; lekeshaku mwendu weyiwubuli kuya munjila yawu.

¹⁶Muloŋa nyendu yawu yatemukilaŋa kuyuma yatama lufuchi, anyakalaŋa kupwekesha mashi.

¹⁷Mwalala wanda wataŋawu kumesu akajila awitaŋa tuhu chamukunkulwayi.

¹⁸Wenawa abelaminaŋa mashi awu awenawu, abataminaŋa wumi wawuawenawu.

¹⁹Dichi jidi njila jejima jawantu afwila kuheta; chafumishaŋa wumi wawuawenawu anaheti.

²⁰Maana himumbanda wabidikaŋa mumukwakwa, wahoshaŋa izu dindihanzi janyikala.

²¹Watambikaŋa kwapompelaŋawu antu amavulu, kuwiŋililu wakuyisuyampwembu, nimumukala, kwokwahoshelaŋayi,

²²nindi, Enu mwakadi maana mwakakeŋaŋa tuhu kubula maana, kushikanikumwakanyi? Akwakudiwula akwawu akatiyaloŋa kuwaha nakadiwu kawu, niayisupi akahelaŋa tuhu kwiluka, nikumwakanyi?

²³Chinukuyihoshola ichi balumukenu mutiyaloŋa, nukwichila spiritu yamihadenu, nukuyilukisha mazu ami.

²⁴Ichi chineli ami nayitambiki enu himukuleka; ami nayolweli chikasachami nimuntu wakutalaku nehi,

²⁵munasekeshi munayilejaŋa mwejima, himunakeŋi kuyihoshola kuda-muku;

²⁶ninami nawa nakaseha hefuku dimwakamona kukala, nakayiyiŋila chimwakamona jakuyitiyisha woma,

²⁷chimwakamona woma wudi nakwinza neyi nvula yeneni; chimwakamona kukala kudi nakwinza neyi chinjimbi; hakayiwana jakutiya chikela, nŋakutiya kumuchima pati.

²⁸Akantambika henohu, hinaketiya kwamuku; akankeŋakeŋa nankashi, hiyakanmonaku;

²⁹muloŋa wena aheleli kwiluka, hiyatondeli kumwakama Yehovaku.

³⁰Munayilejelami hiyabaŋili mwoku; munayihosholeli mwejima wenakudiwula hohu.

³¹Dichi wena akadya nvikabu yayuma yaneluwu awenawu, akekuta yatiyaŋenuwu hampùŋa jawu.

³²Chaselumukilaŋawu akadi maana hanyima chakayitapa, chaluŋaŋawu ayisupi chakayijilumuna.

³³Hakwila muntu wukuntiyililami wakashakama chazo-o, wakamonakumwena kwákubula kutiya woma wayuma yatama.