Read MUKANDA WANZAMBI Liproverbia 10 Bible Online

Liproverbia 10 - MUKANDA WANZAMBI bible

Liproverbia 10

¹Yishimu yaSolomoni. Mwana wukweti maana wawahishaŋa muchima watata yindi; hakwila mwana wasupa waneŋeshaŋa mama yindi.

²Maheta afumaŋa hayuma yatama hiyawahishaŋa muntuku; kuloŋakwokwapulwishaŋa muntu mukufwa.

³Yehova hakamwitŋa muntu waloŋa kufwa nanzalaku; antu atama wowuakabondayi yuma yakeŋawu.

⁴Muntu wakalakalaŋa namakasa akadi Ŋovu wamonaŋa wuzweŋi; ilaŋamakasa amukwakudikita aheteshaŋa.

⁵Muntu waaŋulaŋa hachilaaka chakwaŋula diyi mwana wukweti maana; wakamaŋa tulu hachilaaka chakwaŋula himwana waleteshaŋa nsonyi.

⁶Nkisu jidi hanamutu wamukwakuloŋa; ilaŋa ndombu yajikaŋa kutunwatwawantu atama.

⁷Kwanuka mukwakuloŋa chaletaŋa nkisu; ilaŋa majina awantu atama akaditokela tuhu kwawu.

⁸Muntu wukweti maana mumuchima wetŋaŋa mwamulejaŋawu; ilaŋa chisupi waha mukanwa akamudimbwisha heseki.

⁹Muntu wendaŋa chakwoloka wendaŋa chakadi nichuma chakwakamayi; ilaŋa muntu waheŋeshaŋa mwendelaŋayi wakelukewa.

¹⁰Muntu wafweteshaŋa mesu indi fwe-fwe wakojejaŋa akwawu yumayakala; ilaŋa chisupi waha mukanwa akamudimbwisha heseki.

¹¹Kanwa kamuntu waloŋa hikaseloki kawumi, ilaŋa tunwa twawantu atama twaswekaŋa ndombu.

¹²Nkunyi yasaŋumunaŋa madombu; kwinza kukeŋa kwabutaŋa nyiloŋa yejima.

¹³Kunyivumbu yamuntu wamonaŋa mwalumbulukila nsaŋu kwamwekanaŋa maana; ilaŋa nyima yamuntu wabula muchima yatelela kuyeta mutondu.

¹⁴Akwamaana atudikaŋa kwiluka; ilaŋa kanwa kachisupi kaletaŋa kunoŋa kwaswayi.

¹⁵Mukwakuheta wadikaŋila yuma yindi, chuma chaleteshaŋa kazweŋi kukisika wowu wuzweŋi windi.

¹⁶Mudimu wamukwakuloŋa waletesha wumi; nŋalanyi yamuntu watama yaletesha nshidi.

¹⁷Muntu watiyaloŋa mwamulejaŋawu diyi wudi munjila yawumi, ilaŋa muntu walekaŋa mwamuhosholaŋawu waluwa.

¹⁸Muntu wamujinda mukwawu kumuchima wukweti nyivumbu yakutwamba; niwatwambilaŋa mukwawu kumbadi hichisupi.

¹⁹Hamazu amavulu hihabulaŋa muloŋaku; ilaŋa muntu wakaandaŋa nyivumbu yindi diyi wekala namaana.

²⁰Idimi damukwakuloŋa hisiliva yakutonda chakutonda; nyichima yawantu atama yamukunkulwayi.

²¹Nyivumbu yamukwakuloŋa yadiishaŋa mavulu; ilaŋa asupa afwilaŋa kubula muchima.

²²Nkisu yaYehova yaheteshaŋa muntu, habombelaŋaku kukalaku.

²³Chisupi chelaŋayi chatama wamonaŋa neyi wudi nakuhema; ilaŋa muntu wakashinshi wukweti maana.

²⁴Yuma yatiyaloŋa muntu watama woma, yoyakamuwana; niyakeŋa ŋayi mukwakuloŋa akamwinkayi.

²⁵Chahitaŋa chinjimbi dichadiyi nimuntu watama, kumukasumuka hikwosi; ilaŋa mukwakuloŋa hichikuku chakutuŋila chahaya nyaka.

²⁶Chiyelaŋa vineŋa kumaji, nichiwelaŋa wishi mumesu, dichadiyi ninkopikudi anamutumaŋa.

²⁷Kumwakama Yehova chavulishaŋa mafuku amuntu; ilaŋa nyaka yawantu atama akayikehesha.

²⁸Yakuhwelelaŋa akwakuloŋa yowu kuluŋa; ilaŋa yatalilaŋa antu atama yakakisika.

²⁹Njila yaYehova yela kudi mukwakwoloka himpwembu yaŋovu; ilaŋakudi akwakukoŋa yakuluwa hikujilumuka.

³⁰Mukwakuloŋa hiyamba kamuswijaku; ilaŋa antu atama hiyakashakama mwituŋaku.

³¹Kanwa kamukwakuloŋa kahoshaŋa yamaana; ilaŋa idimi daluwalala akadi ketulamu.

³²Nyivumbu yamukwakuloŋa yeluka yakutiyisha akwawu kuwaha; ilaŋa kanwa kawantu atama kahoshaŋa yakuluwalala.