Read MUKANDA WANZAMBI Liproverbia 11 Bible Online

Liproverbia 11 - MUKANDA WANZAMBI bible

Liproverbia 11

¹Pezu yakutwamba Yehova wayimona nindi, hikushimana; ilaŋa pezu yata chikupu diyi yatiyayi kuwaha.

²Chikwenzaŋa kudinka wanta, dihu enzaŋa nsonyi; ilaŋa kudi akwakudizoza kwokwekala maana.

³Kashinshi kawakwakwoloka kokakayilombolaŋa munjila; ilaŋa kuheŋakwa wakwakukwatila akwawu makasu kwokwakayijilumuna.

⁴Maheta hiyakakwasha muntu hefuku dandombuku, ilaŋa kuloŋa kwokwapulwisha muntu mukufwa.

⁵Kuloŋa kwamuntu walala kwokwakamwolwela njila yindi, ilaŋa muntuwatama wakadimbukila kwoku kukutama kwindi yomweni.

⁶Kuloŋa kwawakwakwoloka kwokwakayipulwisha; ilaŋa akwatilaŋa akwawu makasu akafwa mumuhetu wakubajama kwawawenawu.

⁷Hafwaŋa muntu watama yuma yatalilaŋayi yinakisiki dehi, nichikuhwelela chawantu áheŋa chinafumi dehi.

⁸Mukwakuloŋa anamupulwishi dehi muyihuŋu, muntu watama hakuhiŋamu.

⁹Muntu wasekesha Nzambi wakisaŋanaŋa mukwawu nakanwa kindi; ilaŋa akwakuloŋa akapulukila kwiluka.

¹⁰Mukala wazaŋalalaŋa hashakamaŋawu akwakuloŋa chachiwahi; ilaŋa hajilumukaŋa atama hekala kudikuwa.

¹¹Mukala watúumbakana nankisu yawakwakwoloka; ilaŋa wajiyaŋa nakanwa kawantu atama.

¹²Muntu wadiwulaŋa mukwawu haheta muchimaku; muntu wakashinshiwadi mwenena kwindi zo-o.

¹³Muntu wakimbukaŋa nakushimuna jansachi wamwekeshaŋa yakujinda; ilaŋa muntu wukweti muchima wakashinshi wajindaŋa nsaŋu.

¹⁴Kwabulaŋa wulomboli wamaana kwadimbokaŋa antu; ilaŋa kwavula akwakushakama hampùŋa kwekala kuhanda.

¹⁵Muntu wahanaŋa kapopu hamuloŋa wamuntu wakadi kwiluka wakamwenamu jakala; ilaŋa muntu wabula kukeŋa kuhana tupopu washakama chakadi kwakama.

¹⁶Mumbanda wukweti luwi kulema kwamukakela; antu akwandombu akakela maheta.

¹⁷Muntu wekala naluwi wadiwahishaŋa yomweni; ilaŋa nkatu wakabishaŋa mujimba windi yomweni.

¹⁸Muntu watama wadyaloŋa wufwetu wakutwamba; hakwila wadimaŋa kuloŋa diyi wukweti wufwetu walala.

¹⁹Muntu wakakela kuloŋa wakashika kuwumi; muntu walonde jaŋa yatama walondelaŋa kufwa kwindi yomweni.

²⁰Antu aluwalala nyichima Yehova wayimona nindi hichishimashima; ilaŋa antu alala munjila yawu wayitiya kuwaha.

²¹Muntu watama hakabula kubabeshewaku hela antu akumukiŋa tuhu namakasawu; ilaŋa anyana kawakwakuloŋa akapuluka.

²²Chekala kazeya kawuru kumuzulu waŋulu dichi chekala nimumbanda walubanji wakadi maana.

²³Yakeŋawu akwakuloŋa yoyayiwahi hohu; yatalilaŋawu antu atama yoyandombu.

²⁴Kwekala muntu wamwaŋa mwaŋaŋa, yuma yindi hiyikusweja dinunikuvula; kwekala niwabondaŋa akwawu muchabulila kutela ilaŋa chamuletelaŋa kwawuzweŋi.

²⁵Muntu wahanaŋa diyi wakatoha; watukumwinaŋa akwawu mumate mpawu akanamutuku mwina nimwindi nawa.

²⁶Muntu wabondaŋa akwawu yakudya akamushiŋa kudi antu; ilaŋa nkisuyakekala hanamutu wayenowu walandishaŋa.

²⁷Wakeŋakeŋaŋa nankashi kuwaha wawanaŋa wuselewa. Hakwila wakeŋa akeŋaŋa kutama, kutama kwakamuwana.

²⁸Muntu wakuhwelelaŋa mahetindi wakadimbuka; ilaŋa akwakuloŋa akawaha neyi mafu atuuta.

²⁹Muntu wakabishaŋa kwetala dindi wakaswana mpepela; muntu wasupawakekala nduŋu yamukwamaana mumuchima.

³⁰Nyikabu yamukwakuloŋa himutondu wawumi; muntu wahandishaŋa wumi wawakwawu wukweti maana.

³¹Tiyenu, mukwakuloŋa wakamona wufwetu hanu hamaseki, muntu watama namukwanshidi, wufwetu wawu hiwukubadikaku?