Read MUKANDA WANZAMBI Liproverbia 12 Bible Online

Liproverbia 12 - MUKANDA WANZAMBI bible

Liproverbia 12

¹Muntu wakeŋa a kufumbewa diyi wakeŋa a kwiluka, muntu wabulakukeŋa kumuleja wudi neyi kanyama.

²Muntu muwahi wakawana wuselewa kudi Yehova; ilaŋa muntu wakasakasaŋa yatama akamutanyisha kudi yena.

³Muntu hakashimata nayatamaku; ilaŋa muji wamukwakuloŋa hiyamba kawuswijaku.

⁴Yitoŋojoka yawakwakuloŋa yaya muchiyulu; ilaŋa mpùŋa jawantu atama jakudimbana.

⁵Mumbanda washinshika hichibaŋula chakuvwala nfumwindi; ilaŋa mumbanda watiyishaŋa nsonyi wudi neyi kutoka mumafwahindi.

⁶Mazu awantu atama atenaŋa yowu kubelamina mashi; ilaŋa tunwatwa wakwakwoloka twotwakayipulwisha.

⁷Antu atama anayidimbwishi dehi heseki, hadiŋuwu hihosi; ilaŋa italadawa kwakuloŋa saŋa demena ngu.

⁸Muntu akamuhamekela maana indi; ilaŋa muntu wukweti muchima waluwalala akamudiwula.

⁹Muntu asekeshawu, iku wudi naŋamba yindi, nabadiki muntu wadilemesha yomweni, iku hakweti yakudyaku.

¹⁰Muntu waloŋa waakamaŋa wumi wakanyama kindi, ilaŋa antu atama wushona wawu wawukatu hohu.

¹¹Muntu wadimaŋa iseki dindi wakamona kudya kwakuvulu; ilaŋa muntu walondelaŋa mukuya antu amukunkulwayi hakweti muchimaku.

¹²Muntu watama wafwilaŋa yabuwaŋa antu atama; nyiji yawa kwakuloŋa yasoŋaŋa nyikabu.

¹³Chamotokaŋayi muntu nanyivumbu yindi himuhetu wakufwa muntuwatama; ilaŋa mukwakuloŋa wakafuma muyihuŋu.

¹⁴Nyikabu yakukanwa kamuntu diyi yakamuwanisha yayiwahi, niyelaŋayimuntu namakasindi akamulubwilayi.

¹⁵Muntu wasupa wamonaŋa njila yindi nindi yoloka; ilaŋa muntu wukwetimaana watiyililaŋa mwamulejaŋawu akwawu.

¹⁶Mwatiyaloŋayi chisupi kutama himwalehaŋa nakutiyakanaku; ilaŋa muntu wadihoŋeshaŋa mumuchima wabutaŋa nsonyi.

¹⁷Muntu washimunaŋa hatooka nsaŋu yakashinshi wamwekeshaŋa kuloŋa, ilaŋa chinsahu wakutwamba wamwekeshaŋa yakutwamba.

¹⁸Kwekala muntu wahoshaŋa mazu akutuboka neyi wudi nakukutapola mpoku yakabali; ilaŋa madimi awakwamaana akoleshaŋa antu.

¹⁹Nyivumbu yahoshaŋa yalala yakakola ngu haya nyaka; ilaŋa idimi dakutwamba hidaheta mpinjuku.

²⁰Munyichima yawafuukulaŋa yatama mwekala kudimbana; ilaŋa kudi akwataŋa mpùŋa yakumwena kwekala kuzaŋalala.

²¹Kwosi chuma chatama chakawana mukwakuloŋaku; ilaŋa antu atama akenzala nayatama.

²²Yehova wamonaŋa nyivumbu yakutwamba nindi hichishimashima; ilaŋa elaŋa mwalala yena wayitiya kuwaha.

²³Muntu wadihoŋeshaŋa mumuchima waswekaŋa yelukayi; ilaŋa nyichima yawayisupi yakeŋa kutiyakesha yawusupi.

²⁴Chikasa chamukwakudikita nyidimu chochamba kayulaŋa akwawu, ilaŋa mukwakukatala amba kamwesekela yikwonkwanyi.

²⁵Kaneŋu mumuchima wamuntu kaleta kuzembesha nyima; ilaŋa izuda diwahi daletesha kutiya kuwaha.

²⁶Mukwakuloŋa diyi walejaŋa mukwawu njila; ilaŋa njila jawantu atama jaluwaŋeshaŋa akwawu.

²⁷Mukwakukatala hochaŋa yanajahiyi mwisaŋaku; ilaŋa yuma yawakwakudikita yalema.

²⁸Munjila yakuloŋa mwomwekala wumi; munjila yaku himwekala kufwaku.