Read MUKANDA WANZAMBI Liproverbia 14 Bible Online

Liproverbia 14 - MUKANDA WANZAMBI bible

Liproverbia 14

¹Ambanda ejima akweti maana atuŋishaŋa nyikala yawu, ilaŋa wasupa wawusandaŋa namakasindi yomweni.

²Muntu wendaŋa nakwoloka kwindi diyi wamwakamaŋa Yehova, ilaŋa muntu waluwalala munjila jindi wamudiwulaŋa.

³Mukanwa kachisupi mwekala musanjilu wakumweta nachu nanochu chadinkayi wanta; ilaŋa nyivumbu yawakwamaana yakayihembaŋa.

⁴Itaŋa dabula ŋombi ditooka; ilaŋa kumona yuma yayivulu chafumaŋa kuŊovu jaŋombi.

⁵Chinsahu washinshika hatwambaŋaku; ilaŋa chinsahu wakutwamba washimunaŋa yakutwamba.

⁶Mukwakudiwula akwawu wakeŋa akeŋaŋa maana, kuyimona nehi; ilaŋa mukwakashinshi hamonaŋa kukala nakwilukaku.

⁷Yaku wakashakami hadi muntu wachisupi, hiwakamumona nanyivumbu yakwilukaku.

⁸Maana amuntu wadihoŋeshaŋa mumuchima yowu kushinshika mwayanjila yindi swi-i; ilaŋa wusupi wawayisupi yowu kudimbana.

⁹Antu asupa asehaŋa kutanya; ilaŋa hadi akwakwoloka hekala wuselewa waNzambi.

¹⁰Muchima wamuntu diwu weluka kulula kwawu; hela muwukuzaŋalela muntu wacheŋi kutwesha kwijila mu nehi.

¹¹Mukala wawantu atama akawumwaŋa; ilaŋa itenti dawakwakwoloka dakafuka nankashi.

¹²Kwekala njila yamonaŋayi muntu nindi yaloŋa, komana kunsa yayu kudi njila jakufwa.

¹³Hela wudi nakuseha mumuchima chikela saŋa chidi; kunsa yakuzaŋajala kudi kuneŋa.

¹⁴Mukwakufunta hanyima mumuchima windi wakekuta nayuma yelaŋayi yomwenindi; nimuntu muwahi wakatiya kuwaha nayindi yomweni.

¹⁵Muntu wakadi maana wetiyaloŋa mazu ejima, ilaŋa muntu wadihoŋeshaŋa mumuchima watalaŋa chachiwahi mwakuyayi.

¹⁶Muntu wukweti maana watiyaloŋa woma, wafumaŋa kukutama; ilaŋa chisupi wukweti kazamuzamu hatiyaloŋa kwindi womaku.

¹⁷Muntu wanyakalaŋa kuzuwa wakela yawusupi; muntu wakasakasaŋa yatama amuhelaŋa kudi akwawu.

¹⁸Ábula maana aswanana wusupi; ilaŋa adihoneshaŋa mumuchima ayivwikaŋa chibaŋula chakwiluka.

¹⁹Atama afukaminaŋa amawahi; aluwa akonkaminaŋa kuyisu yawaloŋa.

²⁰Kazweŋi amuhelaŋa nikudi mukwawu atuŋayi nindi; ilaŋa mukwaku hetawukweti amabwambu amavulu.

²¹Muntu wadiwulaŋa mukwawu navulumuni; ilaŋa muntu watiyilaŋakazweŋi luwi nakooleki.

²²Antu akasakasaŋa yatama hiyaluwaŋaku, tahindi? Ilaŋa luwi nansaŋuyalala yakekala yawantu akasakasaŋa yayiwahi.

²³Mukukabakana kwejima mwekala kudi ilamu; ilaŋa kubobola mukanwakwa letesha kubula yuma.

²⁴Chibaŋula chawakwamaana wowu mahetawu; wusupi wawayisupi wowuwusupi.

²⁵Chinsahu walala wapulwishaŋa ntu; ilaŋa muntu washimunaŋa yakutwamba waletaŋa kudimbana.

²⁶Muntu wamwakamaŋa Yehova wukweti hakukuhwelela hakola mbe; nianyanindi akamona kwakubatamina.

²⁷Kumwakama Yehova hikaseloki kawumi kakumufumishaŋa muntukunyihetu yakufwa.

²⁸Mwanta walemena antu kuvula; ilaŋa kalamba wakisikilaŋa kubulaantu.

²⁹Muntu walabaŋa kuzuwa wukweti kashinshi kakeni; ilaŋa muntu watalumokelaŋa akwawu watúumbakeshaŋa wusupi.

³⁰Muchima wadiwunjika wahandishaŋa muntu; ilaŋa ichima datokeshaŋa mafwaha.

³¹Muntu wakabishaŋa tuzweŋi wasawulaŋa Nleŋi yindi; ilaŋa muntu watiyilaŋa antu abula yuma luwi walemeshaŋa Nleŋi yindi.

³²Muntu watama akumuhaŋa nayuma yatama yelaŋayi; ilaŋa mukwakuloŋa wukweti kwakubatamina hakafwayi.

³³Maana ashakamaŋa mumuchima wamuntu wukweti kashinshi; ilaŋayekala muntulu jawayisupi yelukewaŋa.

³⁴Kuloŋa kwatúumbakeshaŋa muza; ilaŋa nshidi yasawishaŋa nyuza yawantu.

³⁵Wuselewa wakudi mwanta awumonaŋa kudi kambuŋindi wakoŋa ŋayamaana; ilaŋa ndombu yindi yidi namuntu waletaŋa jansonyi.