Read MUKANDA WANZAMBI Liproverbia 15 Bible Online

Liproverbia 15 - MUKANDA WANZAMBI bible

Liproverbia 15

¹Kwakula mukwenu mwamwovu chawundishaŋa ndombu, ilaŋa izu dankalu dasaŋumunaŋa kuzuwa.

²Madimi awakwamaana ashimunaŋa chachiwahi yuma yakwiluka; ilaŋa namutunwa twawayisupi mwavwelukaŋa wusupi.

³Mesu aYehova adi kwejima, atalaŋa niatama niamawahi.

⁴Idimi dakoleshaŋa akwawu himutondu wawumi; ilaŋa daluwalala dabalulaŋa muchima wamuntu.

⁵Chisupi wadiwulaŋa mwamufumbaŋayi tata yindi; ilaŋa muntu welaŋa chakumuhosholawu hakushaku muchima wakwatilaŋamu kashinshi.

⁶Mwitala damukwakuloŋa mwekalaŋa maheta amavulu; ilaŋa kunŋalanyi yamuntu watama kwekala yihuŋu.

⁷Nyivumbu yawakwamaana yakuwaŋa kwiluka; ilaŋa nyichima yawantu asupa hiyelaŋa mwenomuku.

⁸Chimuna chaketulaŋawu antu atama Nzambi wachimonaŋa nindi hichishimashima; ilaŋa yena watiyaloŋa kuwaha nakulomba kwalombaŋawu akwakwoloka.

⁹Njila yamuntu watama Yehova wayimonaŋa nindi hichishimashima; ilaŋa yena wakeŋa a muntu walondelaŋa mwaya kuloŋa.

¹⁰Kwekala kufumba kwakala kwakamufumbaŋawu nachu muntu washiyanjila; nimuntu wabula kukeŋa kumuhoshola wakafwa.

¹¹Chikaŋa kaluŋa nakukisika yoyekala kumesu aYehova, winzi wumoninyichima yawanyana kawantu, hiyikubadikaku, tahindi?

¹²Muntu wadiwulaŋa akwawu hakeŋa kumuhosholaku; hayaloŋa kudi akwamaanaku.

¹³Muchima wazaŋajala waleteshaŋa kuseha kumesu; ilaŋa kuneŋa kwakumuchima kwabalulaŋa muchima wamuntu.

¹⁴Muchima wamuntu wukweti kashinshi wakeŋa akeŋaŋa kwiluka; ilaŋa tunwa twayisupi twadyaloŋa wowu wusupi.

¹⁵Mafuku ejima awantu amonaŋa yihuŋu atama hohu; ilaŋa muntu wukweti muchima wasehaseha wadyaloŋa chawija chindi chahaya mwaka.

¹⁶Kanti kakubomba nakumwakama Yehova kanabadiki maheta amavulu akubomba nayihuŋu.

¹⁷Kudya mafu oku kwekala kukeŋa, kunabadiki kudya ŋombi wakudi ishachachiwahi abombelaku ninkunyi.

¹⁸Muntu wasweja kuzuwa wasaŋumunaŋa jakufwilaŋana; ilaŋa muntuwalaba kuzuwa wamweneshaŋa yikonkojola.

¹⁹Njila yankópi yekala neyi ikoli danyiŋa; ilaŋa njila yamukwakwoloka himukwakwa wakusaŋula.

²⁰Mwana wukweti maana watiyishaŋa tata yindi kuwaha; ilaŋa muntuwasupa wadiwulaŋa mama yindi.

²¹Muntu wabula maana wamonaŋa wusupi nindi hichuma chakuzaŋalela, ilaŋa muntu wakashinshi wololaŋa mwayaloŋayi.

²²Habula mpùŋa yuma yiwafuukwili kwila hiyamwekanaŋaku; ilaŋahavula akwakushakama hampùŋa yakolaŋa.

²³Muntu wazaŋalalaŋa chakwakulayi nakanwa kindi, izu dakuhoshela haduhidinateleli o chidawaha!

²⁴Mukwamaana wamona njila yawumi nindi yaya mwiwulu, kulonda akatweshi kufuma kukaluŋa kekala mwishina.

²⁵Yehova wakabwita itala dawakwakudinka wanta; ilaŋa ŋinza yantuluwa wakayikolesha.

²⁶Yuma yatama yakasakasa ŋawu antu, Yehova wayimona nindi hiyishi mashima; ilaŋa mazu amawahi atooka kwawu.

²⁷Muntu wukweti lwisu lwakunŋalanyi wakabishaŋa kwetala dindi; ilaŋa muntu wahelaŋa yamukunkulu wakahanda.

²⁸Muchima wamukwakuloŋa watoŋojokaŋa chachiwahi mwakwakwila; ilaŋa tunwa twawantu atama twakuminaŋa dakuwulumuna yuma yatama.

²⁹Yehova wekala kwakulehi nawantu atama; ilaŋa yena watiyaloŋa kulomba kwalombaŋawu akwakuloŋa.

³⁰Kumesu hikutooki to-o nimumuchima to-o; nsaŋu yayiwahi yaleteshaŋa manji mumafwaha.

³¹Itu datiyililaŋa kuhoshola kwawumi dashakamaŋa mukachi kawakwamaana.

³²Muntu walekaŋa kumufumba wadiwulaŋa wumi windi yomweni; ilaŋa muntu watiyililaŋa mwamuhosholaŋawu watambulaŋa kashinshi.

³³Kumwakama Yehova yowu kufumbewa mwamaana; kudizoza kwasambilaŋa, kulema kwakumininaŋaku.