Read MUKANDA WANZAMBI Liproverbia 16 Bible Online

Liproverbia 16 - MUKANDA WANZAMBI bible

Liproverbia 16

¹Kudiloŋesha loŋesha mumuchima chamuntu; ilaŋa kwakula kwaltulaŋa idimi chafuma kudi Yehova.

²Muntu wamonaŋa mwejima mwelaŋayi nindi mutooka; ilaŋa Yehova wapezeleshaŋa nyichima yawantu.

³Kunjikaku nyidimu yeyi kudi Yehova, niyiwafuukulaŋa akayikolesha.

⁴Yuma yejima yaleŋeliyi Yehova yikweti mwayileŋeleliyi; mwalala helamuntu watama wamuleŋeleli ifuku datama.

⁵Antu ejima adinka wanta munyichima yawu Yehova wayimonaŋa nindi hiyishimashima, hiyakabula kubabeshewaku hela antu akuyikiŋa tuhu namakasawu.

⁶Niluwi ninsaŋu yalala yoyabutaŋawu nachu kuluwa; kumwakama Yehova chochuma chafumaŋawu nachu antu kuyuma yatama.

⁷Neyi mwelaŋayi muntu mwamutiyishaŋa Yehova kuwaha hela tuhu ayilumbu jindi wayimweneshaŋa akabuli ndombu nayena.

⁸Keyi kanti kakubomba nakuloŋa kanabadiki maheta amavulu nankashi akubomba nakuheŋa.

⁹Muchima wamuntu wakuminaŋa dakufuukula mwakayayi, ilaŋa Yehovadiyi wukumuleja mwakadatayi.

¹⁰Mwaketwilaŋayi mwanta nsaŋu chafumaŋa kudi Nzambi; kanwa kindi hikakamotwesha wuŋajuku.

¹¹Pezu yata chikupu niyuma yakupezelesha nachu yaYehova, yikuŋu yejima yakupezelesha nachu yekala munjeki diyi wayituŋa.

¹²Anyanta kwila chatama achimona nawu hichishimashima; muloŋa itandadawanta dakolaŋa nakuloŋa.

¹³Nyivumbu yaloŋa anyanta ayitiyaloŋa kuwaha; akeŋa muntu wahoshaŋa mwoloka.

¹⁴Ndombu yamwanta yidi neyi tuŋanda twakufwa; ilaŋa mukwamaana wukumukaanda.

¹⁵Kuchejeji chakumesu amwanta kwekala kuhanda; wuselewa wakudiyena wudi neyi ivu danvula yakukuminina.

¹⁶Kuheta maana o chichabadika! Kuheta wuru wawuwahi chakuminamu. Kuheta kashinshi o chichalema! Akatondaŋa chakubadika siliva.

¹⁷Mukwakwa wawakwakwoloka yowu kufuma kuyuma yatama, muntuwalamaŋa njila yindi diyi wahembaŋa wumi windi.

¹⁸Kudinka wanta kwasambilaŋa, kujilumuka kwakumininaŋa; muchimawakudivuna wasambilaŋa, kudimbuka kwakumininaŋa.

¹⁹Kwikala namuchima wakudizoza hamu nawatuzweŋi, chabadika kwanjaŋana nawakwakudinka wanta yuma yakubuwa.

²⁰Muntu watiyaloŋa izu dawakwawu wakawana yayiwahi; niwakuhwelelaŋa Yehova nakooleki.

²¹Antu akweti maana mumuchima ayitenaŋa nawu ababala; nikutowalakwatowalaŋa nyivumbu kwavulishaŋa kudiza.

²²Kashinshi hikaseloki kawumi kanowu wakaheta; ilaŋa chuma chafumbaŋa ayisupi wowu wusupi wawu.

²³Muchima wamukwamaana walejaŋa kanwa kindi, kunyivumbu yindi wabombelapaku yadizayi.

²⁴Mazu amawahi adi neyi namutu wawuchi, kumuchima kutowala, mumafwaha ngu.

²⁵Kwekala njila yamwekana kudi muntu neyi yaloŋa; komana kuyakumina hinjila jakufwa.

²⁶Nzala yamukwakudima yoyamudiminaŋa, muloŋa kanwa kindi kokamushinjilaŋa.

²⁷Muntu wamukunkulwayi wakasakasaŋa yatama; kunyivumbu yindi akudi yuma yidi neyi kesi kayokolaŋa yo-ku.

²⁸Muntu wazuwapana wakuwapa yikonkojola; mukwatushawushawuwa ambulaŋa amabwambu adikeŋa.

²⁹Muntu wamadombu wadimbekaŋa mukwawu, wamulombolaŋa munjilayabula kuwaha.

³⁰Muntu wajimapa kumesu walonda kukasakasa yakuluwalala; wachimaŋa nyivumbu yindi waleteshaŋa yatama.

³¹Mutu wanvu hichibapula chalubanji neyi akuwuwana munjila yakuloŋa.

³²Muntu walabaŋa kuzuwa wabadika chilobu; wayulaŋa muchima windi wabadika mukwa wuwa luku kapa mukala.

³³Chinjikijilu chakusakula nachu achinatilaŋa hamakata, ilaŋa maana achu ejima akudi Yehova.