Read MUKANDA WANZAMBI Liproverbia 19 Bible Online

Liproverbia 19 - MUKANDA WANZAMBI bible

Liproverbia 19

¹Kazweŋi wendaŋa mwindi mwamuwahi, kuwaha kwindi kunabadiki waluwalala kunyivumbu, wásupa.

²Chikwawu nawa, muchima wubuli kwiluka, hichachiwahuku; muntu wanyakalaŋa kunyendu yindi wavulumunaŋa.

³Wusupi wamuntu diwu watamishaŋa njila yindi; muchima windi wamuzuwilaŋa Yehova.

⁴Maheta akokaŋa amabwambu amavulu; ilaŋa kazweŋi amushiyaloŋa kudi ibwambu dindi.

⁵Chinsahu wakutwamba hakabula kubabeshewaku; muntu washimunaŋa yakutwamba hakapulukaku.

⁶Antu amavulu amulembelelaŋa mukwakuhana nawu ayitoŋuhu; antu ejima hiyamabwambu jayenowu wahanahanaŋa yamukunkulu.

⁷Kazweŋi amuhela kudi ana kwindi ejima, winzi wumoni amabwambu jindi, hiyakasweja kumwambuka hahalehuku? Nindi ayilondeli namazu mwaka aya dehi.

⁸Muntu wadimwenaŋa maana wakeŋa a wumi windi yomweni; muntu wahembaŋa kashinshi wakawana yayiwahi.

⁹Chinsahu wakutwamba hakabula kubabeshewaku; niwashimunaŋa yakutwamba wakakisika.

¹⁰Kuluŋa hikwatelela chisupuku; nankashi nduŋu hatelela kuyula atulambaku.

¹¹Kutoŋojoka kashinshi kwatoŋojokaŋayi muntu kwamulabishaŋa kuzuwa; kulema kwindi yowu kudi wula mwanavulumuni mukwawu.

¹²Ndombu yamwanta yidi neyi chabulumaŋa mutupa; ilaŋa wuselewa windi wudi neyi wuumi kumatahu.

¹³Tata yamuntu ekala namwana wasupa nahalwi; yikonkojola yamumbanda yidi neyi kuvwa nde, nde, nde.

¹⁴Itala namaheta hiwuswana wakudi atata; ilaŋa mumbanda welaŋa mwamaana wakudi Yehova.

¹⁵Wukopi wakamikaŋa muntu namutulu twatweni twaswataka; muntu wakatala wakafwa nzala.

¹⁶Muntu wahembaŋa kuleja kwaNzambi wahembaŋa wumi windi; ilaŋa muntu wadiwujolaŋa mwélaŋayi wakafwa.

¹⁷Muntu wamutiyilaŋa kazweŋi luwi wudi nakusondamisha Yehova, yena wakamufweta cheŋi nachuma chachiwahi chaneliyi.

¹⁸Babeshaku mwaneyi hohanu hikuchidi chikuhwelela, bayi wusha muchimahakumukisaŋanaku.

¹⁹Muntu wasweja ndombu wakafuta; hiwili neyi wumukúuli, wakamukúulahunawa cheŋi.

²⁰Tiyaku mwakukulejawu, itŋiaku kukufumba, kulonda wakekali namaana kukukuminina kweyi.

²¹Mumuchima wamuntu yafuukulaŋayi yayivulu; ilaŋa mpùŋa yaYehova yakakola.

²²Chaleŋesha muntu kumukeŋa kudi akwawu lwoluwi lwindi; kazweŋi nabadiki ntwambi kuwaha.

²³Kumwakama Yehova chaleta kuhanda; muntu wudi nachu wakashakama chachiwahi, hakamona yatamaku.

²⁴Nkopi wakuminaŋa dakusha chikasa chindi hacheŋa, hela kuchileta cheŋi kukanwa kindi nehi.

²⁵Mukwakudiwula mweti, kulonda wabula maana ababali; mukwakashinshi nawa muhosholi, wakashinshika mwaya kwiluka.

²⁶Muntu wukubuwa tata yindi, wukuhaŋa nimama yindi himwana wakutiyisha nsonyi nikuleta kusawuka.

²⁷Eyi mwanami, lekaku kutiyilila kufumba kwakukuluwaŋesha wufumikumazu aya mukwiluka.

²⁸Chinsahu wamukunkulwayi wasehaŋa wuŋaji; nikanwa kamuntu watamakaminyaloŋa kuluwa.

²⁹Akwakudiwula ayifuukwila dehi kuyisompesha sompesha; hakwilanyima jawayisupi ajifuukwila nyinkakambu.