Read MUKANDA WANZAMBI Liproverbia 2 Bible Online

Liproverbia 2 - MUKANDA WANZAMBI bible

Liproverbia 2

¹Eyi mwanami, neyi wukutambula mazu ami hiwukutudika kuleja kwami hankelelu yeyi yamuchima;

²wuteŋeleki itu deyi wutiyi maana, wushi muchima weyi kukashinshi;

³mwalala, neyi wakabilela neyi niiluki mwalumbulukila nsaŋu, wutambikakashinshi nezu deyi,

⁴neyi wakamukeŋakeŋa neyi siliva, neyi wakamutondatonda neyi yumayalema yaswekawu dehi,

⁵dihu hiwakashinshika mwaya kwakama Yehova, dihu hiwakamwena kwiluka Nzambi.

⁶Muloŋa Yehova diyi wenkaŋa muntu maana; mukanwa kindi dimu mwafumaŋa nikwiluka nikashinshi.

⁷Akwakwoloka wayiswekelaŋa maana alala, diyi nkebu yawantu endaŋa mwamuwahi;

⁸walonda kuhemba njila jawuŋaji, nikuhemba mwelaŋawu antu indi ajila.

⁹Henohu dihu hiwakashinshikila nikuloŋa, niwuŋaji, nimwesekena yuma, kafwampi njila jejima jajiwahi.

¹⁰Muloŋa maana akeŋila mumuchima weyi, nikwiluka kwakatiyishaŋ amuchima weyi kuwaha.

¹¹Kutoŋojoka kwakashinshi kwakekala kalama keyi, kashinshi kakaku-hembaŋa;

¹²kulonda kukupulwishaŋa kunjila yayuma yatama, akupulwishaŋa kudiantu ahoshaŋa yakuluwalala,

¹³alekaŋa mwoloka, kulonda endi munjila jamwidima.

¹⁴Antu azaŋalalaŋa nakwila yuma yatama, atiyaloŋa kuwaha nakuluwalala kwatama.

¹⁵Wena mwelaŋawu mwakondojoka, mwendelaŋawu mwaheŋaheŋa.

¹⁶Kulonda kukupulwishaŋa kudi mumbanda weŋi, kafwampi kudi mumbanda wakwacheŋi walambishaŋa muntu namazu indi,

¹⁷walekaŋa nlomboli yindi wakuwukwenzi windi, wavulamenaŋa chitiyaŋenu chaNzambi yindi.

¹⁸Itala dindi daya nakukunkumukila mukufwa, ninjila jindi jaya nakukunkumukila kudi afu.

¹⁹Antu ayaloŋa kudi mumbanda owu kwosi wafuntaŋa cheŋuku, kwosiwashikaŋa kunjila jawumuku.

²⁰Kulonda wakendaŋa munjila yawantu amawahi, wakakakelaŋa munjilajawa kwakuloŋa.

²¹Akwakwoloka diwu akashakama mwituŋa, antu alala diwu akashalamu.

²²Hakwila antu atama akayifumisha mwituŋa, antu akwatilaŋa akwawumakasu akayibwitamu.