Read MUKANDA WANZAMBI Liproverbia 21 Bible Online

Liproverbia 21 - MUKANDA WANZAMBI bible

Liproverbia 21

¹Muchima wamwanta wekala muchikasa chaYehova neyi tupila twameji, wawuteŋululaŋa kwonsu kwanakeŋiyi.

²Muntu wamonaŋa mwejima mwelapayi, nindi mwoloka; ilaŋa Yehovadiyi wapezeleshapa nyichima yawantu.

³Kuketula nyiloŋa chachiwahi, nikusompesha muwupaji Yehova watiyapamukuwaha, chakubadika chimuna.

⁴Mesu akulembujola, nimuchima wadinka wanta, hela inoŋu dawantu atama hinshidi.

⁵Yitoŋojoka yamukwakudikita yatwala kwamukuvulisha hohu; ilaŋa antu ejima elapa yakulundumukila alonda yowu kubula.

⁶Kuheta maheta nedimi dakutwamba chidi neyi chishishi chikulelo kaniniku niniku; akuyikepa akeŋa yowu kufwa.

⁷Kubuwabuwa kwawantu atama kwakayikumpula, muloŋa kwonti kwawukwila mwawuŋaji.

⁸Mwelaŋayi muntu wasenda chiteli chakutanya mwasweja nankashikuheŋa; hakwila wamuchima wutooka mudimu windi woloka.

⁹Chachiwahi kushakama mwifunku damuntuŋu yetala, bayi kushakamamwitala deneni namumbanda wayikonkojolaku.

¹⁰Muchima wamuntu watama wafwila yowu kutama; hamonaŋa ntupinindi kuwahaku.

¹¹Chakubabeshawu mukwakudiwula wabula maana hakukwatilaku maana; chakufumbawu mukwamaana, wukwilukilaku.

¹²Mukwakuloŋa watoŋojokana chachiwahi itala damuntu watama, chadimbwishaŋawu antu atama heseki hiyakukisika.

¹³Yowu wukujika matu indi chakalokaŋayi kazweŋi, niyena nawa wambakakaloka, hiyakamutiyaku.

¹⁴Chamukunkulu chakuhena kumbadi chikuwundisha kuzuwa; chamukunkulu chakumushitila Yehova mukwenu muntulu chikumwenesha ndombuyayeni.

¹⁵Mukwakuloŋa watiyaloŋa kuwaha nakwila mwawuŋaji; ilaŋa akwakukoŋa yakuluwa achimona nawu hikujilumuka.

¹⁶Muntu wukujimbala hakushiya njila yakashinshi wakanookela muchipompelu chawafu.

¹⁷Muntu wafwila chiseki wakekala kazweŋi, muntu wakeŋa vinyu namanjiha kahetaku.

¹⁸Muntu watama yowu akakúulawu nachu mukwakuloŋa, nimukwa kukwatila akwawu makasu diyi akahiŋishawu mudi mukwakwoloka.

¹⁹Chachiwahi kushakama mwisapa damukunkulwayi, bayi kushakamana mumbanda wayikonkojola watatokaŋaku.

²⁰Yuma yalema nimanji yekala mwashakama mukwamaana; ilaŋa muntuwasupa wayiminyaloŋa.

²¹Muntu walondapa kuloŋa naluwi wawanaŋa wumi, nikuloŋa ni kulema.

²²Mukwamaana wakandamaŋa mumukala wawayilobu, wafwomonaŋa Ŋovu jawu jakuhwelelawu.

²³Muntu wahembaŋa kanwa kindi niidimi dindi wahembaŋa wumi windiwubuli kumona yihuŋu.

²⁴Muntu wadinka wanta wadivuna ijina dindi diyi Sakudiwula, wakoŋaŋa yandombu nakudinka wanta.

²⁵Yuma yafwilayi nkópi yamujahaŋa, muloŋa makasindi kwonti kwawukukalakala.

²⁶Kwekala muntu wukweti lwisu mwaana wejima, ilaŋa mukwakuloŋa wahanaŋa, habondapa akwawuku.

²⁷Chimuna chaketulaŋayi muntu watama hichishimashima, indi neyiwukuchileta namuchima watama hichikuswejaku?

²⁸Chinsahu wakutwamba wakakisika; ilaŋa muntu watiyililaŋa wakahoshatuhu chakadi niwukumumwenesha.

²⁹Muntu watama wakola hamesu; hakwila mukwakwoloka watoŋojokaŋa chachiwahi mwakuyayi.

³⁰Hikwekala hela maana hela kashinshi hela mpùŋa yadikaŋaŋa naYehovaku.

³¹Kawalu amuloŋeshela ifuku danjita; ilaŋa kwimika mushindu chafumaŋa kudi Yehova.