Read MUKANDA WANZAMBI Liproverbia 22 Bible Online

Liproverbia 22 - MUKANDA WANZAMBI bible

Liproverbia 22

¹Chachiwahi kusha muchima hakutiyakana ijina dadiwahi, bayi hamaheta amavuluku, nihawuselewa wakukukunda, bayi hasiliva nawuruku.

²Nimukwakuheta nikazweŋi abulakana hamu bwekeki; wejima wawuayileŋeli kudi Yehova.

³Muntu wadihoŋeshapa mumuchima wamonaŋa katama, hakubatama; ilaŋa abula maana ayapa tuhu kwawu, hiyakumwenamu jakala.

⁴Wuloku wakudizoza niwakumwakama Yehova himaheta nikulemaniwumi.

⁵Ninyipa ninyihetu yidi munjila yamukwakuluwalala; muntu wahembaŋa muchima windi wakahitila kwakulehi.

⁶Mufumbi mwana endi munjila yatela kuyayi, chakakulayi hakafumamwoku.

⁷Mukwakuheta wayulaŋa atuzweŋi, mukwakusondama hinduŋu yamukwakusondamisha.

⁸Muntu wakuwaŋa mbutu jakuluwa wakadiilamu jakala; mutonduwandombu yindi wakakaŋanya.

⁹Muntu wukweti disu dadiwahi wakakooleka, muloŋa yena wahanaŋa kudya kwindi kudi kazweŋi.

¹⁰Muhaŋi mukwakudiwula, niyikonkojola yikufuma; mwalala nindombunimatuka akamana.

¹¹Muntu wakeŋa a kutooka mumuchima wakekala ibwambu damwanta, nanolu luwi ludi kunyivumbu yindi.

¹²Mesu aYehova ahembaŋa muntu wukweti kwiluka, ilaŋa wanataŋaheseki mazu amukwakukwatila akwawu makasu.

¹³Nkopi nindi, Hanzi hadi mutupa, akenza kanjahila kwami hanzi.

¹⁴Kanwa kamumbanda wakadi kwiluka hiwina wakunama, muntu atiyawu kutama kudi Yehova wakaholokelamu.

¹⁵Wusupi awukasila mumuchima wakansi; ilaŋa mutondu wakubabesha wakamutemwinawu kwakulehi.

¹⁶Nimuntu wakabishaŋa kazweŋi kulonda avulishi yuma yindi, niwahanaŋa kudi mukwakuheta wakamona kwakubulena hohu.

¹⁷Teŋelekaku itu deyi wutiyi mazu awakwamaana, shaku muchima weyihayuma yinelukami.

¹⁸Neyi wakayihembaŋa muntulu yeyi, neyi yakakakela kunyivumbu yeyi, chakekala chuma chasweja kuwaha.

¹⁹Yeyi kwaamu nidi nakwilukisha yumiyi lelu kulonda chikuhwelela cheyichakekali mudi Yehova.

²⁰Hinakuleji yuma yasweja kuwahaku? niyakulejaleja niyakwiluka,

²¹yakukwilukisha chikupu mazu ansaŋu yalala, kulonda wakafuntishi cheŋi mazu ansaŋu yalala kudi awa akutuminuku.

²²Bayi wumwiya kazweŋuku, muloŋa yena hikazweŋi; bayi wumufwopelamuntu wakabishewa muloŋa windi muchotaku; muloŋa Yehova diyi wakayihakwila muloŋa wawu, wakabuwa wumiwanawa akuyibuwa wena.

²³Bayi wakakwata wubwambu namuntu wazuwaku; hela mukwandombubayi wenda ninduku; wakenza kadiza kwila mwelaŋayi, hiwakamona muhetu wakufwa wumiweyi.

²⁴Bayi wakakwata wubwambu namuntu wazuwaku; hela mukwandombubayi wenda ninduku;

²⁵wakenza kadiza kwila mwelaŋayi, hiwakamona muhetu wakufwa wumiweyi.

²⁶Bayi wikala nawantu eŋilaŋa hanyiloŋa yawakwawu, hela nawantu ahanaŋa tupopu hanyikudi yawakwawuku.

²⁷Neyi hiwukweti yakufwetaku akwamuki tuhu kadidi keyi kuwunakami?

²⁸Bayi wakafumisha chuma chanyaka chakwiluka nachu ŋinza chashiluwu ankakulula jeyuku.

²⁹Eyi wamona dehi muntu wadikitaŋa nyidimu yindi, tahindi? Yenowuwakemana kumesu awanyanta; hakemana kumesu awantu abula kulemaku.