Read MUKANDA WANZAMBI Liproverbia 23 Bible Online

Liproverbia 23 - MUKANDA WANZAMBI bible

Liproverbia 23

¹Chiwukushakama nakudya nanyuli toŋojoka chachiwahi yidikumesu eyi; neyi wasweja mupwepu wakudya shaku tuhu mpoku kunyidiwu yeyi;

²bayi wufwila yakudya yindi yatowalaku, muloŋa hiyakudya yakutwamba.

³Bayi wudikabakesha neyi nakekali mukwakuhetaku; lekaku kukuhwelelamaana eyeyi aweni.

⁴Indi mesu eyi atali tuhu swi-i kuchuma chabulaŋa kwikala?

⁵Muloŋamaheta amenaŋa mpuula, adi neyi mbuulu watúukaŋa haluzwizu.

⁶Bayi wudyaa yakudya yamuntu wukweti disu datamaku, hela yakudyayindi yatowala bayi wuyifwilaŋaku,

⁷muloŋa chatoŋojokaŋaayi mumuchima windi dichi chadiyi; hakukwilanindi, Dyaŋa, nwaŋa; ilaŋa muchima windi hiwudi kudeyuku.

⁸Chuma chiwunadyi wakachisanza, wakajimbesha mazu eyi atowala.

⁹Bayi wuhosha chakwila chisupi achitiyaku, muloŋa yena wakadiwulamaana akumazu eyi.

¹⁰Bayi wufumisha chuma chanyaka chakwiluka nachu ŋinzaku; helakwijila mumaha awanshona;

¹¹muloŋa nkúuli yawu wukweti Ŋovu, wakayihakwila muloŋa wawu kulonda akakutanyishi.

¹²Shaku muchima weyi kukufumbewa, shaku nimatu eyi kumazu akwiluka.

¹³Bayi wuleka kumubabesha mwanaku; muloŋa neyi wakamweta mutonduhakafwaku.

¹⁴Wakamwetaŋa mutondu, wakamupulwisha mukaluŋa.

¹⁵Eyi mwanami, neyi muchima weyi wukwi kala nama ana, muchima wamiwakatiya kuwaha, mwalala nakazaŋalala;

¹⁶nyivumbu yeyi chiyikuhosha yuma yoloka muchima wami mwivumu wukuluŋa.

¹⁷Muchima weyi bayi wutiyila akwanshidi ichimaku, mwakamaŋa kweyi Yehova mwaana wejima;

¹⁸muloŋa chalala wuloku wudi kwoku, nimuwakuhwelelaŋa hiyakakubayisha mwoku.

¹⁹Eyi mwanami, tiyaku wikali nama ana, wulomboli muchima weyi munjila.

²⁰Bayi wikalaŋa hamu nawakwakunwa walwa hela hamu nawakwakufwa hakudya mbŋuku;

²¹muloŋa nimukwakunwa, niwafwa hakudya, akashika kuwuzweŋi; nikunoŋoka tulu kwakamuvwika muntu yitabu.

²²Mutiyilili tata yeyi wakuvweli, bayi wakadiwula mama yeyi neyi nakulidehuku.

²³Landaku nsaŋu yalala, bayi wuyilandululaku; landaku nawa nima ana, nikufumbewa, nikashinshi.

²⁴Tata yamukwakuloŋa wakazaŋalala nankashi; niwavwala mwana wukwetimaana wakatiya nindi kuwaha.

²⁵Tata yeyi namama yeyi atiyi kuwaha, nimumbanda wakuvweli azaŋalali.

²⁶Eyi mwanami, nyinki muchima weyi, mesu eyi atiyi kuwaha nakutalamunelaŋa.

²⁷Muloŋa chivumbi wamumbanda hiwina wakunama, nimumbanda wakadi kwiluka hiwina wakuhata.

²⁸Mwalala wabelaminaŋa akwawu neyi kapondu, wavulishaŋa kwakukwatila akwawu makasu mukachi kawantu.

²⁹Wélaŋa nindi, Yayo; hinyi? Welaŋa nindi, Aka; hinyi? Wamonaŋa yikonkojola hinyi? Watobaŋa hinyi? Wamonaŋa yitu yakadi muloŋahinyi? Wamonaŋa kuchinana mesu hinyi?

³⁰Wowu ashakamaŋa kuwalwa shakame-e; wowu ayaloŋa nakukeŋakeŋa walwa wakubombashana.

³¹Bayi wutala chachinanaŋa walwa, chiwelaŋa mulupasa nge-e, chiwahitaŋa hamudiwu chachiwahuku.

³²Hakukuminina hiwukusumana neyi kapela, hiwukukulawukila neyi kabandayula.

³³Mesu eyi hiyakumona yuma yakadi kwiluka, muchima weyi hiwukuhoshayuma yakuluwalala.

³⁴Mwalala hiwukwikala neyi muntu nakambami mukachi kakaluŋalwiji, hela neyi muntu nakami kumutondu wemana muwatu.

³⁵Wakahosha neyi, Anaŋeti, kutiya kukata nehi; neyi, Ananhumpuli, amikuchitiya nehi; nakahinduka namutulu mwakanyi nakawukeŋakeŋi cheŋi?