Read MUKANDA WANZAMBI Liproverbia 24 Bible Online

Liproverbia 24 - MUKANDA WANZAMBI bible

Liproverbia 24

¹Bayi wutiyila antu atama ichimaku, bayi wufwila kushakama nawuku;

²muloŋa nyichima yawu yatoŋojokaŋa jakukabisha akwawu, ninyivumbuyawu yatenaŋa yatama.

³Itala kudituŋa adituŋaŋa namaana; kudikolesha adikoleshaŋa nakashinshi;

⁴kwinzesha namutupeka twadu maheta ejima alema amawahi enzeshaŋamu nakwiluka.

⁵Muntu wukweti maana wukweti Ŋovu; mwalala muntu wukweti kwiluka wavulishaŋa Ŋovu.

⁶Wakakwata kunjita yeyi chakudilejaleja maana; nikwavula akwakushakama hampùŋa kwokwekala kuhanda.

⁷Maana asweja kuleha kwiwulu nachisupi; haasamaŋa kanwa kindimuchotaku.

⁸Muntu wafuukulaŋa kukoŋa yatama, antu akamutena nawu himwenikutoŋojoka yatama.

⁹Kutoŋojoka yawusupi hinshidi. Mukwakudiwula antu amumona nawu hichishimashima.

¹⁰Neyi wakazeya hefuku dakala Ŋovu jeyi jakeha.

¹¹Yipulwishi awa adi nakutwalawu kukufwa, bayi wuleka kufuntisha awaakukeŋa kutapewaku.

¹²Neyi wukwila neyi, Etu kwetu hitwachilukaku, wapezeleshaŋa nyichimayawantu hatoŋojokaŋa mwokuku? Niwahembaŋa wumi weyi hachilukaku? Hakayinka antu ejima yuma yashikila munyidimu yawuku?

¹³Eyi mwanami, dyaloŋa wuchi, muloŋa wuchi wawuwahi; dyaloŋa ninamutuwawuchi, atowala mukanwa;

¹⁴mwenimu dimu mwakamwena muchima weyi maana; neyi wunayimoni dehi wunamoni dehi wuloku, nimuwakuhwelelaŋa hiyakakubayisha mwoku.

¹⁵Eyi muntu watama, bayi wakabelamina kwashakama mukwakuloŋaku; bayi wakakisaŋana hindi hanookelaŋa yuku;

¹⁶muloŋa muntu waloŋa wadimbukaŋa mapampa katanu nakayedi chanyamukayi hohu; ilaŋa antu atama afwaŋa kwawu puchi nayuma yakala.

¹⁷Neyi chilumbu cheyi nadimbuki bayi wuzaŋalalaku; hakamudimbwi-shawu heseki bayi wakatiya kuwaha mumuchima weyuku;

¹⁸Yehova wakenza kachimona, hakatiya nikutama, hakafumisha ndombuyindi kudi yena.

¹⁹Bayi wuneŋajala nansaŋu yawakwakwila chatamaku; bayi wutiyila antuatama ichimaku;

²⁰muloŋa muntu watama hakamona wulokuku; inoŋu dawantu atamadakajima.

²¹Eyi mwanami, akamaku Yehova nimwanta; bayi wulabilila akwakubalumonaku;

²²muloŋa yakala yakamonawu yakayikasumwisha, mwakajilumikilawu wonsu wawu nelukumu hinyi?

²³Tiyenu yihosha yawakwamaana. Nawu, Kuyakama antu kumesu hakuhosha nyiloŋa hichachiwahuku.

²⁴Yenowu wukumwila muntu watama nindi, Eyi waloŋa; antu akamushiŋa, nyuza yawantu yakamutiya kumuchima bwi-i;

²⁵ilaŋa antu akamuhoshola akatiya kuwaha nankashi, akamona kukooleka kwakuwahi.

²⁶Yenowu muntu wukwakula mukwawu namazu oloka namupwepujoli mukwawu kunyivumbu.

²⁷Mudimu weyi wuloŋeshaŋahu dehi mumpata, kadiwahishilaŋahu dehi kumpata, nkumininaku dinu hiwukutuŋa itala deyi.

²⁸Bayi wumushimuna mukwenu wunsahu wakadi muloŋaku; bayi wudi-mbana nanyivumbu yeyuku.

²⁹Bayi wakahosha neyi nakamukoŋa mwanankoŋiyi ami; hela neyi, nakamulubwila muntu owu mwashikila nyidimu yinduku.

³⁰Nahitilili kwiha dankópi nikwitempa danyivinyu damuntu wakadikashinshi;

³¹kuditala davumba dehi dejima pati nanyiŋa, dajika dehi dejima nanzonzonzu, niikoli damalola diduku dahumoka dehi.

³²Hinukutala, hinukutoŋojoka chachiwahi; hinukumona, hinukukwatila mumaana.

³³Wukamahu chanti, tutulu twanti, wudivuŋavuŋahu makasa chantikulonda wukami tulu;

³⁴mwomwenomu dimu mwakakuwena wuzweŋi weyi neyi kapondu, dimunawa mwakakuwena kubula neyi iyala wadimanyeka yitwa.