Read MUKANDA WANZAMBI Liproverbia 25 Bible Online

Liproverbia 25 - MUKANDA WANZAMBI bible

Liproverbia 25

¹Tiyenu nawa yishimu yaSolomoni yatutuhiyiluwu amayala amwantawa waYuda Hezekiya.

²Kulema kwaNzambi yowu kujinda chuma, hakwila kulema kwawanyanta yowu kuvumbola nsaŋu.

³Chidaleha iwulu nichakunama iseki, dichi yidi ninyichima yawanyanta hiyavumbujolaŋa mwokuku.

⁴Fumisha mazozu kusiiiva, himukwidika chuma chambala chamukwakuzakasa;

⁵fumisha watama kumesu amwanta, niitanda dindi dawanta dikukolanakuloŋa.

⁶Bayi wudilemesha kumesu amwantaku, bayi wimana hemanaŋa amanenuku;

⁷chachiwahi kukwila nawu, Twaya kunu kwalema; bayi kukusha kwakadikulema kumesu akalamba wamona dehi namesu eyuku.

⁸Bayi wuiundumukila hanzi swayi neyi nakazupuku, indi neyi mukwenunakutiyishi dehi nsonyi wakela ŋahi hakukuminina?

⁹Dihakwili nsaŋu yeyi kudi mukwenu, bayi wumwekesha nsaŋu yajindayimu kwenuku,

¹⁰kuchina kukutuka hakachitiyayi, wakenza katiyakana mpuhu yatama, nimpuhu oyu hiyamba kakufumaku.

¹¹Izu dakuhoshela hidinateleli didi neyi mabula awuru analoŋejuwu mumabaŋu asiliva.

¹²Chekala kazeya kawuru kwitu, hela kadileŋi kawuru wakoseka, dichadiyimuntu wamaana wukuhoshola itu datiyililaŋa.

¹³Chatontolaŋa nvula yachishika yitooka hachila aka chakwaŋula dichadiyi kaŋanda washinshika kudi awa anamutumaŋa, muloŋa wahizumwishaŋa nyichima yawanyanta jindi.

¹⁴Chekala mavu nimpepela yakadi nvula dichadiyi muntu wadisamaŋanaya mukunkulu yindi yakutwamba.

¹⁵Kwovwahila kwakwila ovwahile-e kwafumbaŋa nyuli, niidimi dadovuda kotolaŋa ifwaha.

¹⁶Wunawani wuchi, tahindi? Dyaŋa nakwesekela, wakenza kasweja kwikuta, hiwukusanza.

¹⁷Bayi wuhwekesha kwitala damukwenuku, yena wakenza kakutiya chikela, hakukuhela.

¹⁸Muntu washimunaŋa mukwawu wunsahu wakutwamba hichizembi, himpoku yakabali, hinsewu yatwa.

¹⁹Mwifuku dakumona kukala neyi wukukuhwelela muntu wakwatilaŋa akwawu makasu chikwikala neyi ŋi dakotoka, nimwendu wachiŋumuka.

²⁰Muntu wukwimbila Sayihuŋu tumina wudi neyi muntu wukuvúula chikovwelu chindi hachishika, hela neyi vineŋa yakumwaŋi ilawu hasoda.

²¹Neyi chilumbu cheyi natiyi nzala mwinki yakudya adyi; neyi natiyimpwila mwinki meji anwi;

²²muloŋa wakamulumbikila makala akesi hanamutu windi, niYehova wakakwinka wuloku.

²³Mpepela yakukabeta kakuchimunswa yaletaŋa nvula; niidimi damatuŋi udaletaŋa mesu akuzuwa.

²⁴Chachiwahi kushakama mwifunku damuntuŋu yetala, bayi kushakama mwitala danzunuka namumbanda wayikonkojolaku.

²⁵Nsaŋu yayiwahi yikufuma kwituŋa dadilehi yidi neyi meji atuuta namuntu nafwi mpwila.

²⁶Mukwa kuloŋa wukufwomokela muntu watama wudi neyi kaseloki kanavundaŋani, hela kasulu kanatamishuwu.

²⁷Kudya wuchi wawuvulu hichachiwahuku; chochimu nawa niantu neyi akudikeŋakeŋela kulema kwawu awenawu hikulemaku.

²⁸Muntu wukubula kudiyula mumuchima windi wudi neyi mukala wahu-moka dehi, wakadi mpwembu.