Read MUKANDA WANZAMBI Liproverbia 29 Bible Online

Liproverbia 29 - MUKANDA WANZAMBI bible

Liproverbia 29

¹Muntu wakwila kumuhoshola, hoshole-e, yena saŋa achini chikilayi, wakakasumuka nakotoki dehi, niwakumuhandisha kwosi.

²Chavulaŋawu akwakuloŋa, antu hiyakuzaŋalala; ilaŋa chakuyulayi muntuwatama antu hiyakudishishimona.

³Muntu wakeŋa a maana watiyishaŋa tata yindi kuwaha; ilaŋa muntuwadikunda nawayivumbi wakisaŋanaŋa yuma yindi.

⁴Mwanta wakoleshaŋa ituŋa nawuŋaji, ilaŋa yenowu wakakelaŋa antu, nindi, Nyinkenu yamukunkulu, wakisaŋanaŋa ituŋa.

⁵Muntu walambishaŋa mukwawu wamutandilaŋa nyendu yindi wandawakufwamu.

⁶Hamuloŋa wamuntu watama hadi muhetu, ilaŋa mukwakuloŋa wembaŋatumina nakuzanalala.

⁷Mukwakuloŋa wchujolaŋa mwʼaya muloŋa wakazweŋi, ilaŋa muntuwatama hakweti kashinshi kakwiluka mwokuku.

⁸Akwakadiwu ashaŋa kesi hamukala hiwukukwata ni-luku, ilaŋa akwamaana apekulaŋa ndombu.

⁹Neyi mukwamaana wukwi kala namuloŋa namuntu wasupa, hela wukuzuwahela wukuseha hakumona kunookaku.

¹⁰Antu akeŋa mashi hiyakeŋa muntu walalaku; akeŋakeŋaŋa wumiwamuntu woloka.

¹¹Chisupi washimunaŋa yejima yidi mumuchima windi, ilaŋa mukwama anawadi fumbaŋa nakudimwenesha.

¹²Nyuli neyi wukutiyililaŋa yakutwamba, ambuŋindi ejima akwikala antuatama hohu.

¹³Nikazweŋi nimukwakudya yawakwawu chatama, abulakana bwekeki; Yehova watoneshaŋa mesu awu mwayedi wawu.

¹⁴Mwanta wasompeshaŋa atuzweŋi chakashinshi, itanda dindi dawanta dakakolaŋa haya nyaka.

¹⁵Nimutondu nikuhoshola kwaletaŋa maana, ilaŋa mwana wakuleka tuhuchochina watiyishaŋa mama yindi nsonyi.

¹⁶Neyi antu atama akuvula, ninyiloŋa nawa yikuvula, ilaŋa akwakuloŋa akatalaŋa chakadimbokawu.

¹⁷Babesha mwaneyi, wamba kakunookesha; mwalala, wamba katiyishaŋa muchima weyi kuwaha.

¹⁸Kwabulaŋa chimwenu hikwafumbikaŋa antuku; ilaŋa muntu wahembaŋa nshimbi diyi nakooleki.

¹⁹Nduŋu hetijaŋa kumufumba namazuku, hela neyi nachitiyi hakusha kumuchimaku.

²⁰Muntu wanyakalaŋa kuhosha wamumona dehi? Hela chisupi akumukuhwelela kuntahi, bayi dinu yenaku.

²¹Muntu walelaŋa nduŋu yindi chachiwahi kufumisha kuwansi windina kumwinka twatuwahi, kukukuminina wakabalumuka himwanindi chikupu.

²²Muntu wazuwa wavulumunaŋa yikonkojola, mukwandombu waswejanyiloŋa.

²³Wanta wadinkaŋayi muntu wowu wakamusawisha; ilaŋa muntu wadizozamu muchima diyi wakamona kulema.

²⁴Muntu wadanjaŋenaŋa yuma nekombi wahelaŋa wumi windi yomweni; chakushiŋanawu wudi nakuchitiya, yena kwindi kushimuna nehi.

²⁵Kutiya antu woma chaletaŋa muhetu; ilaŋa muntu wakuhwelelaŋa Yehova wakashakama hamwena zo-o.

²⁶Antu amavulu akeŋa kuwana wuselewa kudi nyuli, ilaŋa Yehova diyi wasompeshaŋa antu.

²⁷Akwakulona amona muntu waheŋa, nawu hichishimashima; ilana muntu watama wamonaŋa mukwakwoloka, nindi hichishimashima.