Read MUKANDA WANZAMBI Liproverbia 3 Bible Online

Liproverbia 3 - MUKANDA WANZAMBI bible

Liproverbia 3

¹Eyi mwanami, bayi wuvulamena nshimbi jamuku; muchima weyi wulamati munukukulejaŋa;

²muloŋa jakakulunjikilaku mafuku amavulu, ninyaka yawumi nakuwunda.

³Luwi nansaŋu yalala bayi yakakushiyaku, yivwali munshiŋu yeyi, yisoneki hamukanda wamumuchima weyi,

⁴chenochu wakawana wuselewa, nikutiyakana mpuhu yayiwahi, nikumesu aNzambi nikumesu awantu.

⁵Mukuhweleli Yehova namuchima weyi wejima, bayi wushindamena kukashinshi keyeyi awenuku.

⁶Mwitŋaŋa Yehova mwejima muwukwilaŋa, niyena wakakwolwelaŋa njilajeyi.

⁷Bayi wakadimonaŋa neyi nikweti maanaku, akamaku Yehova, wufumikuyuma yatama;

⁸wakakolaŋa mumujimba weyi, wakatiyaloŋa mumafwaha ngu.

⁹Mulemeshi Yehova nayuma yeyi, ninanyikabu yatachi yayuma yeyi yejima muyikusemunwina;

¹⁰neyi wakela ochu nkalaŋa jeyi jakenzalaŋa mbe nayuma yayivulu, muwukamwinu weyi wavinyu mwakasumpokaŋa vinyu yayiha.

¹¹Eyi mwanami, chakubabeshaŋayi Yehova bayi wudiwulaŋa mwoku; chakuhosholaŋayi bayi wuzeyaloŋaku;

¹²muloŋa Yehova wahosholaŋa antu akeŋayi; dimu mwelaŋa tata yamuntu namwanindi atiyayi kuwaha.

¹³Muntu wukuwana maana nimuntu wukuheta kashinshi nakoeleki.

¹⁴Kuyilandulula yiwukudiilamu yikubadika yiwadyaloŋa hakulandululasiliva, yiwukumwenamu yikubadika wuru wawuwahi.

¹⁵Wuseya wamaana wabadika wamarubi, yuma yejima yiwakeŋa a hiyeseka ninduku.

¹⁶Muchikasa chindi chachidiilu mwekala kuhanda mafuku amavulu, muchikasa chindi chachimunswa mwekala nimaheta nikulema.

¹⁷Mwelaŋayi mwachisambu hohu, njila jindi jejima jakuwunda hohu.

¹⁸Antu amukwataŋa chikasa anakwati kumutondu wawumi; antu ejima amukakela anakooleki.

¹⁹Maana wowu ashimatishili nachu Yehova iseki, kashinshi kokakolesheliyi nachu mawulu.

²⁰Nakwiluka kwindi kwelukayi manyiŋi hiyakubuzika, nimawulu hiyakufukumuna wuumi.

²¹Eyi mwanami, hembaku maana alala nikutoŋojoka kwakashinshi, bayi yakakufuma kumesu eyuku;

²²yakakuhandishi, yakekali luwi lwakuvwala munshiŋu yeyi,

²³wakenda munjila yeyi chakadi kwakama, nimwendu weyi hiwakahukanaku.

²⁴Chiwakakambama hiwakatiya womaku. Mwalala wakakambama, nitulu tweyi twakatowala.

²⁵Bayi wakama woma wakukukasumwishaku, hela kujilumuka kwajilumukaŋawu atama, chikukwinzaku.

²⁶Muloŋa kudi Yehova diku kuwakajiika muchima, diyi wakahemba mwenduweyi wubuli kufwa mumuhetu.

²⁷Antu atela kuyilila mwamuwahi hiwuchidi naŋovu yakuyilila, bayi wulekamwoku.

²⁸Bayi wila eyi chuma wudi nachu hiwukumwila mukwenu, neyi, Yaku, wakenza cheŋi, nakakwinka kumadikuku.

²⁹Mukwenu washakama nindi chachiwahi bayi wakamufuukwila kumwila chatamaku.

³⁰Neyi muntu nabuli kukwila chatama bayi wuzuŋa nindi chakadi nsaŋuku.

³¹Bayi wakatiya muntu wandombu ichima, hela kutonda mwendolaŋa yuku;

³²muloŋa Yehova wamona muntu waheŋa, nindi hichishimashima; ilaŋa yena wayaloŋa hampùŋa nawakwakwoloka.

³³Ishiŋu daYehova didimwitala damuntu watama; hakwila mwashakama wualoŋa wakiswilaŋamu nkisu.

³⁴Akwakudiwula akwawu wayidiwulaŋa, hakwila akwakudizoza wayinkaŋa a luwi.

³⁵Akwamaana akaswana kulema; hakwila ayisupi akaya nansonyi.