Read MUKANDA WANZAMBI Liproverbia 30 Bible Online

Liproverbia 30 - MUKANDA WANZAMBI bible

Liproverbia 30

¹Mazu amwana kaYake Aguri awuprofwetu. Owu iyala hakumwila Itiyeli, wowu aItiyeli naUkali,

²nindi, Mwalala ami nabadiki antu ejima kufwana neyi kanyama, hinikwetihela maana amuntuku.

³Hinadizi maanaku, hineluka ajilaku.

⁴Hinyi nakandami mwiwulu akunkumuka? Hinyi nakupuli mpepelamu makasindi? Hinyi nakasi meji hehina dindi? Hinyi nakoleshiinsa jeseki jejima? ijina dindi hinyi? Mwanindi ijina dindi diyinyi, neyi wadiluka?

⁵Mazu aNzambi ayitookesha dehi ejima. Yena hinkebu yawena akumukuhwelela.

⁶Kumazu indi bayi wulunjika kwoku, wakenza kakuhoshola, akenzaka kumona kutwamba.

⁷Nakulombi yuma yiyedi, bayi wumbondayi hanu hinichidi kandanifwiku;

⁸nswŋili yuma yamukunkulwayi niyakutwamba yiyi kwakulehi nanami; bayi wunyinka hela wuzweŋi hela mahetaku; ndiishi yakudya yantelela;

⁹nakenda kasweja kwikuta hinakadikaleyi nami, Yehova hinyi? Hinisweji nawa wuzweŋi nakeya, hinakatena ijina daNzambi yami chatama.

¹⁰Bayi wutuŋula nduŋu kudi nkaka yinduku, wakenda kakushiŋa, hiwakabaya.

¹¹Kwaduwu amakwawu ashiŋaŋa atata jawu, abulaŋa kukiswila amama jawunkisu.

¹²Kwaduwu amakwawu adimona kutooka, komana hiyayikosa majilu awuku.

¹³Kwaduwu amakwawu, o chadi mujolawu kumesu awu! Ninlabu jawuza-a!

¹⁴Kwaduwu amakwawu akweti maji adi neyi mpoku jatubali, mawunji awu adi neyi mpoku, kulonda adiyi atuzweŋi afumi hanu hamaseki, adyini abula yuma afumi mukachi kawantu.

¹⁵Izambu wukweti anyana awambanda ayedi, iwu, Nyinki, iwu, Nyinki. Kudi yuma yisatu yakabulaŋa kwikuta, niyiwana yikwikala yabulaŋa kuhosha nawu, kunahu;

¹⁶iwu, ŋamu; iwu, ivumu dawushinta; iwu, iseki dabulaŋa kwinzala meji; iwu, kesi kabulaŋa kuhosha nindi, kunahu.

¹⁷Disu dataŋulaŋa tata yindi, dadiwulaŋa kwovwahila mama yindi, akaditubula mukudi amakololu, akadidya kudi amakubi.

¹⁸Kudi yuma yisatu yanhayamishaŋa, nakaŋanyi kuyilumbulula, niyiwanayinabula kwiluka yikwikala;

¹⁹mwelaŋayi mbuulu haluzwizu; nimwelaŋayi kapela helola; nimwelaŋa watu weneni hakachi kakaluŋalwiji; nimwelaŋayi iyala nachaŋadi macha mumbanda.

²⁰Dimu mwelaŋa nimumbanda wachivumbi, hakudya, hakudi kombola kukanwa, nindi, Hinabajamuku.

²¹Iseki dazaalaŋa nayuma yisatu, hela yiwana yabula kwitŋiayi;

²²iwu, nduŋu nekali dehi mwanta; iwu, chisupi nekuti dehi yakudya;

²³iwu, mumbanda ahelawu neyi nasumbuki dehi; iwu, nduŋu wamumbanda naswani nkaka yindi wamumbanda.

²⁴Kudi tuyuma tuwana twakeha hanu hamaseki, ilaŋa twasweja nankashimaana;

²⁵Anzenkeneni hiyantu abula Ŋovu, hela chochu, atudikaŋahu dehi yakudya yawu hikuchidi nvula.

²⁶Ayibatata hiyantu azeya, hela chochu, matalawu ekala mumalola.

²⁷Tubola hitukweti mwanta wawuku, hela chochu, wejima wawu ayaloŋahayendu hayendu;

²⁸Munsulu walamataŋa namakasindi, hela chochu, wekala mumatala awanyanta.

²⁹Kudi yuma yisatu yendaŋa chawanta, mwalala, niyiwana yendaŋa chawanta yikwikala;

³⁰iwu, mutupa wabadika anyama ejima Ŋovu, hafuminaŋa akwawu munjilaku;

³¹iwu, kawa kaketeka mumbunda; nichizamba champembi nawa; nimwanta abulaŋawu kudikaŋa nindi.

³²Neyi chiwunadi lemeshi wuneli mwawusupi, hela neyi wunatoŋojoki yatama, kwataku chikasa cheyi kukanwa.

³³Kuchuka mayeli kukwidika manteka, kunyota kumazulu kwaletaŋa mashi; kukolesha ndombu kwaletaŋa yikonkojola.