Read MUKANDA WANZAMBI Liproverbia 31 Bible Online

Liproverbia 31 - MUKANDA WANZAMBI bible

Liproverbia 31

¹Mazu amwanta Lemweli. Wuprofwetu wamulejeli mama yindi.

²Eyi mwanami, nukuhosha namidi? Eyi mwana wamwivumudami, nukuhosha namidi? Eyi mwanami nadishiililuwu, nukuhosha namidi?

³Bayi wutwala Ŋovu jeyi kudi ambanda, hela kutwala njila jeyi kuyumayakisaŋanaŋa anyantaku.

⁴Eyi Lemweli, hichatelela anyantaku, hichatelela anyanta kunwa vinyuku; hela anyuli kuhosha nawu, Walwa washetana wudi kudihi? hichatelaku.

⁵Akenza kanwa, hiyakavulamena nshimbi, hiyakaluwaŋesha wuŋajiwawantu amona ihuŋu.

⁶Walwa washetana winki muntu wukukeŋa kujilumuka, vinyu yinkimuntu watiya kulula mumuchima;

⁷anwi kwindi, avulameni wuzweŋi windi, abuli kwanuka cheŋi yihuŋuyindi.

⁸Jikulaku kukanwa keyi hansaŋu yakamama, nihansaŋu yawanshona ejima.

⁹Jikula kukanwa keyi, wusompeshi mwaloŋa, wuyulili kazweŋi nawabulayuma mwawuŋaji.

¹⁰Mumbanda washinshika akutwesha kumuwana kudinyi? Muloŋa wuseya windi wabadika nankashi marubi.

¹¹Muchima wanfumwindi wamukuhwelela, yena iyala hakabula hawudiiluku.

¹²Mumbandowu wukumwilaŋa nfumwindi mwamuwahi hohu mafuku indi ejima akahandayi, kumwila chatama nehi.

¹³Wayapa nakukeŋakeŋa mavuji anyikoku nawanda; wakalakalaŋa mudimuna makasindi chakumuchima windi.

¹⁴Wudi neyi maatu amaneni ayapa nakulandujola; wafumishapa kudyakwindi kwakulehi.

¹⁵Wahindukaŋa nawa kuchidi wufuku, nakwinka akwetala dindi yakudya, nakwinka nawa yapadima yindi nyidimu yawu.

¹⁶Watalaŋa chachiwahi iha, hakudilanda. Kuyuma yakumakasindili akudima nachu itempa danyivinyu.

¹⁷Hakukasa Ŋovu mumayindi, hakukolesha makasindi mbe.

¹⁸Welukaŋa mwalandujolaŋayi, nindi nadi ilaŋamu. Inoŋu dindi hidaji mapana wufukuku.

¹⁹Wakwataŋa mutondu wefufu dawanda kuchikasa; nyinu yindi yakwataŋa kukazala.

²⁰Wolwelaŋa kazweŋi chikasa chindi; mwalala, wafumbulwilaŋa abula yuma makasindi.

²¹Haakaminaŋa akwetala dindi nvula yitooka yachishikaku; muloŋa kwetala dindi ejima avwala dehi yadita hohu.

²²Wadituŋa ilaŋa mahina amawahi adita akubutabuta hatudidi. Wavwala ŋamahina amawahi atooka niawusombu.

²³Nfumwindi amwiluka muyota nanochu chashakamaŋayi hamu nawawakulumpi amwituŋa.

²⁴Watuŋaŋa mahina atooka hakuyilandisha; wenkapa akwakulandulula nyiya.

²⁵Mahinindi avwalayi jojiŋovu nakudivumbika. Nyaka yikwinza wayidiwulapatuhu kwindi.

²⁶Wajikulaŋa mukanwa kindi nakuhosha yama ana; kwidimi dindi kwekalanshimbi yaluwi.

²⁷Watalaŋa chachiwahi mwelaŋa akwetala dindi; hadyaloŋa kudya kwawukopuku.

²⁸Anyanindi anyamukaŋa nakumutena nawu, Wakooleka; nfumwindiniyena nawa wamuhamekapa,

²⁹nindi, Anyana awambanda amavulu elaŋa mwakashinshi adi kwoku, ilaŋa dinu eyi wunayibadiki wejima wawu.

³⁰Kuwaha kwamujimba kwadimbanaŋa, nilubanji lwamukunkulwayi tuhu; ilaŋa mumbanda waakama Yehova diyi akahamekawu.

³¹Mwinkenu yakabakenaŋa makasindi; ninyidimu yindi yimuhamekimuyota.