Read MUKANDA WANZAMBI Liproverbia 6 Bible Online

Liproverbia 6 - MUKANDA WANZAMBI bible

Liproverbia 6

¹Eyi mwanami, neyi wunahani dehi kapopu hamuloŋa wamukwenu, neyi wunaketuli mansuka namukwenu hamuloŋa wamuntu wakadi kwiluka,

²wunafwi dehi mumuhetu wamazu amukanwa keyeyi aweni, wunakwachiki dehi namazu amukanwa keyeyi aweni.

³Tiya chiwukwila, eyi mwanami, kulonda wudipulwishi nanichi chiwunashiki dehi muchikasa chamukwenu. Yaku wakadizozi, wakamulembeleli mukwenu.

⁴Bayi witŋa mesu eyi kuya namutulu, hela nlabu jeyi kukama tuluku.

⁵Dipulwishi neyi chapulukaŋa mbaala muchikasa chachibinda, neyi chapulukaŋa kajila muchikasa chamukwakuta.

⁶Eyi nkopi yaku kudi nzenkeneni wutali mwelaŋayi, wikali namaana.

⁷Kutoŋa wena hiyakweti hela mwanta, hela kapita, hela mukwakuyiyulaku,

⁸adikeŋelaŋa yakudya yawu hamwaka wanvula, apompeshaŋa kudyakwawu hachilaaka chakwaŋula yakudya.

⁹Eyi nkopi wukukamaŋa tulu kushika nikumwakanyi? Wukuhinduka namutulu mwakanyi?

¹⁰Kukambama chantesha, tulu twantesha, kuvuŋavuŋa makasa chantesha, kulonda kukama tulu;

¹¹dihu hakenjila wuzweŋi weyi neyi mukwakubuwa, nikubula yuikwaka kuwana neyi muntu namanyeki yitwa.

¹²Muntu wamukunkulwayi, iyala waluwa, wendaŋa nakanwa kaluwalala:

¹³wafweteshaŋa mesu indi fwe-fwe, walejanaŋa nanyendu yindi, welayinjikijilu nanyinu yindi;

¹⁴mumuchima windi mudi kuluwalala, wafu ukulaŋa yoyatama homafuku ejima; waletaŋa yikonkojola.

¹⁵Wakakasumuka namoni dehi kukala; hohenohu nakotoki dehi, niwaimuhandisha kwosi.

¹⁶Kudi yuma yitanu nachimu yamonayi Yehova nindi hiyishimashima, niyitanu nayiyedi yikwikala, yatiyaloŋayi kumuchima bwi;

¹⁷mesu akudimujola, idimi datwambaŋa, makasa apwekeshaŋa mashi akimuloŋa,

¹⁸muchima wafuukulaŋa yitoŋojoka yatama, nyendu yayaloŋa lufuchi kuyuiyatama,

¹⁹chinsahu wakutwamba washimunaŋa yakutwamba, nimuntu waleteshana yikonkojola kudi antu evumu dimu.

²⁰Eyi mwanami, kakelaku mwanakuleji tata yeyi, bayi wuleka nshinjamama yeyuku.

²¹Jikasili kumuchima weyi mafuku ejima, jivwali munshiŋu yeyi.

²²Jikukulombolaŋa chiwukwendaŋa, jikukuhembaŋa chiwukukama ŋikuhanjikaŋa neyi chiwukuhindukaŋa.

²³Mwalejaŋawu hiinoŋu; nshimbi jawu hikucha; mazu akukuhoshala kukufumba hinjila yawumi,

²⁴kulonda akuhembi chachiwahi wubuli kukwachika kudi mumbarwatama, abuli kukudimba namazu akukulambisha kudi mumbanda weŋi.

²⁵Bayi wufwila lubanji lwindi mumuchima weyuku, bayi akakukwata nlabu jinduku.

²⁶Hansaŋu yachivumbi dihu hafumaŋa iyala kudya kwakamusa kanshi: hohu; iŋoda muntu wacheŋi wazombaŋa wumi walema.

²⁷Muntu asha kesi hantulu yindi mahinindi hiyakwihaku?

²⁸Muntu enda hamakala akesi nyendu yindi hiyikuyokokaku?

²⁹Dichi chadiyi muntu weŋilaŋa mudi iŋodamukwawu. Muntu walkunka mumbandowu hakabula muloŋaku.

³⁰Antu hiyadiwulaŋa muntu wukwiya kulonda ekuti hanatiyiyi nzalaku.

³¹Hela chochu, neyi anamukwati wakafuta katanu nakayedi, wakakumi dakuhana yuma yejima yamwitala dindi.

³²Welaŋa wuvumbi namumbanda hakweti muchimaku. Muntu wakeŋa a kukisaŋana wumi windi diyi welaŋa mwenomu.

³³Wakamwenamu niyitu ninsonyi, nikusawuka kwakasawukayi hikwamufumaku.

³⁴Muloŋa mukawu hindulu yekala namuntu; hefuku dakutenda hakamwanakena mukwawuku.

³⁵Hela yuma yakudikúula nachu hakayisha kumuchimaku, hela nwukumwinka yamukunkulu yayivulu hakatiya kuwahaku.