Read MUKANDA WANZAMBI Liproverbia 8 Bible Online

Liproverbia 8 - MUKANDA WANZAMBI bible

Liproverbia 8

¹Ochu Maana hatambikaŋaku? Kashinshi habilelaŋaku?

²Wemanaŋa kwindi nihayinaŋanaŋa yekala kunjila, nikumaakenu.

³Wabidikaŋa nikwakwihi nayisu yampwembu, nikuwiŋililu wakumukala, nikuwiŋililu wakuyisu yamatala,

⁴nindi, Enu antu, yenu nidi nakutambika, izu dami dakulejenu anyanaka wantu;

⁵enu mwabula maana, ilukenu mwaya kubabala. Enu ayisupi, ikalenu namuchima wakashinshi.

⁶Tiyenu, muloŋa nukukeŋa kuyileja yuma yalema; chinukujikula nyivumbu nukuhosha yuma yoloka.

⁷Muloŋa kanwa kami kakutena nsaŋu yalala; kunyivumbu yami yumayatama yekala neyi chishamashima.

⁸Mazu amukanwa kami ejima aya mukuloŋa hohu, himwekala helakuheŋa hela kuluwalalaku;

⁹ejima amulumbulukilaŋa muntu wukweti kashinshi, awanaŋa kwiluka ayimona kwoloka.

¹⁰Tambulenu kufumba kunukuyifumba, bayi silivaku; tambulenu kwiluka chakubadika wuru wawuwahi.

¹¹Maana abadika marubi; mwalala yuma yejima yakeŋawu antu hiyashikamwokuku.

¹²Ami Maana nashakama mukubabala, nawanaŋa nikwiluka nikutoŋojoka.

¹³Kwakama Yehova yowu kuhela yatama. Nikudinka wanta, nikudivuna, ninjila yatama, nikanwa kaluwalala, ami nayihela.

¹⁴Mpuŋa yamami, nikwiluka kwalala. Kashinshi yami. Yami nikweti ŋovu.

¹⁵Anyanta awanaŋa wanta wawu kudami, atulamba chashimunaŋawu nshimbi jaloŋa achiwanaŋa kudami.

¹⁶Anyuli kuyula achiwanaŋa kudami, niayilolu, niansompeshi ejima ahamaseki hamu.

¹⁷Nakeŋa antu ankeŋa, adanukaŋa kunkeŋakeŋa diwu akanwanaŋa.

¹⁸Nimaheta nikulema yekala kudami, mwalala nimaheta abulaŋa kunoŋa, nikuloŋa hamu.

¹⁹Nyikabu yami yabadika wuru, mwalala yabadika wuru wawuwahi; yumayawana ŋawu antu kudami yabadika siliva yakusakula.

²⁰Nendaŋa munjila yakuloŋa, mukachi kanjila jawuŋaji;

²¹kulonda kuswanishaŋa ntu ankeŋa maheta, kulonda kwinzesha matalawu akuswekela yuma.

²²Yehova wanheteli hatachikiliyi njila yindi, helili nyidimu yindi yakushankulu yichidi kanda.

²³Anshilumu kunyaka oku, kufumisha kutachi, helili iseki dichidi kanda.

²⁴Navwalikili helili manyiŋi kwosi, nituseloki twameji amavulu kwosi.

²⁵Navwalikili mapidi amaneni achidi kanda ashimati, nimapidi anyanya achidi kanda;

²⁶helili achidi kanda elili maseki, hela tuhu masaŋa kanda, hela tuhu lunkuŋu lwampata kutachika kanda.

²⁷Haloŋesheliyi mawulu kwoku nadiŋi; hashiliyi hewulu denyiŋi mufundawakwi-ndo;

²⁸hakolesheliyi mawulu iku kwiwulu; hakwatili tuseloki twamumanyiŋi Ŋovu;

²⁹hamushililiyi kaluŋalwiji ŋinza jindi, kulonda meji abuli kumotoka lushimbi lwindi; hafunjikiliyi hawushimatilu weseki,

³⁰nadiŋi nindi, nimukalawenu hami; namutiyishilaŋa kuwaha hefukuhefuku, nakuzaŋajalaŋa kumesu indi mafuku ejima;

³¹nakuzaŋajala neseki dindi dakushakama antu; natiyilaŋa kuwaha nawanyana kawantu.

³²Dichi dinu enu anyanami, tiyililenu kunu. Muloŋa antu akuhembanjila jami anakooleki.

³³Tiyenu kufumba, mwikali akwamaana, bayi muyidiwulaku.

³⁴Muntu wantiyaloŋa, watalilaŋa kuyisu yami hefuku hefuku, wemenaŋa kuyipamba yayenzelu yami, nakooleki.

³⁵Muntu wukunwanami nawani wumi, wakamona wuselewa kudi Yehova.

³⁶Muntu wukunvulumuna wukuditamisha yomweni. Ejima anhela akeŋakufwa.